Standerton
Standerton is 'n dorp in Mpumalanga, aan die Vaalrivier, sowat 156 km suidoos van Johannesburg en 64 km suid van Bethal.
Standerton | |
|---|---|
 Standerton se sakekern | |
  Standerton Standerton se ligging in Mpumalanga | |
| Koördinate: 26°57′S 29°15′O / 26.950°S 29.250°O 29°15′O / 26.950°S 29.250°O | |
| Land |  Suid-Afrika |
| Provinsie | Mpumalanga |
| Distrik | Gert Sibande |
| Munisipaliteit | Lekwa |
| Stigting | 1878 |
| Oppervlak | |
| • Totaal | 36,21 km2 (13,98 vk. myl) |
| Bevolking (2011) | |
| • Totaal | 43 966 |
| • Digtheid | 1 214/km2 (3 140/vk. myl) |
| Rasverdeling (2011) | |
| • Wit mense | 23.1% |
| • Indiërs/Asiërs | 2.9% |
| • Bruin mense | 6.8% |
| • Swart mense | 66.6% |
| • Ander | 0.6% |
| Taal (2011) | |
| • Zoeloe | 48.3% |
| • Afrikaans | 28.0% |
| • Sotho | 8.5% |
| • Engels | 7.4% |
| • Ander | 7.8% |
| Poskode (strate) | 2430 |
| Poskode (posbusse) | 2430 |
| Skakelkode | 017 |
Geskiedenis
Dit is in 1878 op die plaas Grootverlangen aangelê en het in 1903 munisipale status verkry. Die dorp is genoem na kommandant Adriaan H. Stander (1817-1896), die oorspronklike eienaar van die plaas. Standerskop (1 640 m), 'n heuwel wes van die dorp, is ook na hom genoem. In die Eerste Vryheidsoorlog het 'n Britse garnisoen die dorp beleër. Drie maande lank het die Boeremagte, wat hulle op die heuwel ingegrawe het, op die Britse magte gevuur – sonder enige ernstige skade.
Distrik
Die distrik is 4 836 km2 groot. Gemengde boerdery word beoefen - beeste, perdetelery, wol, mielies, sonneblomsaad, grondboontjies, aartappels en suiwelprodukte.
Die Grootdraaidam is 10 km oos van Standerton en Eskom se Tutuka-kragstasie is net noord van die dorp.
Sien ook
Verwysings
Bronne
This article uses material from the Wikipedia Afrikaans article Standerton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.