Rivier Krisjna
Die Krisjna (Marathi: कृष्णा नदी Kr̥ṣṇā nadī, Kannada: ಕೃಷ್ಣಾ ನದಿ Kr̥ṣṇā nadi, Telugu: కృష్ణా నది Kr̥ṣṇā nadi) is 'n groot oos-vloeiende rivier in Indië.
Die rivier, met 'n lengte van 1 290 km (800 myl), is ná die Indus, Brahmaputra, Ganges, Godavari en Narmada die sesde langste rivier in Suid-Asië. Die Krisjna word in Hindoeïsme as heilig beskou, wat van dié rivier 'n belangrike pelgrimstog vir Hindoes maak. Dié rivier is genoem ná die Hindoegod Krisjna.
| Krisjna | |
|---|---|
 | |
 Die stroomgebied van die Krisjna. | |
| Oorsprong | Satara-distrik, net suid van Pune, Maharashtra, Indië Wes-Ghats |
| Monding | Hamsaladeevi, net suid van Vijayawada, Andhra Pradesh, Indië Golf van Bengale |
| Stroomgebied | Indië |
| Lengte | 1 290 km (800 myl) |
| Oorspronghoogte | 914 m (2 999 voet) |
| Mondinghoogte | 0 m (0 voet) |
| Gemiddelde afloop | 2 213 m³/s (78 151 ft³/s) |
| Stroomgebiedopp. | 258 948 km² (99 980 myl²) |
Die Krisjna ontspring in die Wes-Ghats in Wes-Indië, net suid van Pune in die deelstaat Maharashtra, sowat 64 km oos van die Arabiese See. Aansluitend vloei dié rivier in 'n suidoostelike rigting net noord van Kolhapur en bereik later die deelstaat Karnataka, waar dié rivier in 'n oostelike rigting vloei. Daarna bereik die Krisjna die deelstaat Andhra Pradesh, waar dié rivier in 'n wye boog suid van Hyderabad vloei en aansluitend Vijayawada bereik. Nadat dié rivier die Oos-Ghats deurkruis het, mond hy verder suid in 'n wye delta in die Golf van Bengale uit, net suid van die Godavari se monding.
Verwysings
Eksterne skakels
- Wiki Afrikaans
Wiki Commons het meer media in die kategorie Krisjna (rivier).
This article uses material from the Wikipedia Afrikaans article Krisjna (rivier), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.