Kloof: 'n rivierdal met steil (rots)wande wat deur erosie diep uitgedolwe is
'n Kloof of ravyn is 'n rivierdal met steil (rots)wande wat deur erosie diep uitgedolwe is.
- Vir die woongebied in Durban, sien Kloof, KwaZulu-Natal.
Groot klowe word dikwels met die term canyon aangedui.
Klowe bied 'n uitstekende ligging vir die bou van 'n studam. Klowe is ook dikwels die enigste roete deur 'n bergreeks. Tydens oorloë word klowe ook dikwels vir die lê van hinderlae gebruik. As gevolg hiervan is klowe van groot strategiese belang.
Die drie langste klowe ter wêreld is:
- Yarlung Tsangpo Canyon in Tibet, met 'n lengte van 496,3 km en 'n maksimum diepte van 5382 meter.
- Grand Canyon (Colorado) in die Verenigde State van Amerika.
- Visrivier-canyon in Namibië.
In 2013 het Amerikaanse navorsers by die Universiteit van Bristol 'n kloof onder 'n laag ys op Groenland ontdek. Die kloof is vanuit 'n vliegtuig wat die gebied met radiogolwe gekarteer het bespeur. Die kloof, wat ongeveer 'n kilometer breed is, is met 'n lengte van ongeveer 750 kilometer waarskynlik die langste ter wêreld.
Eksterne skakels
Wikiwoordeboek het 'n inskrywing vir kloof.
This article uses material from the Wikipedia Afrikaans article Kloof, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.