नेपालको संसदीय निर्वाचन क्षेत्रहरूको सूची

नेपालको प्रतिनिधि सभा (संघीय संसदको तल्लो सदन) मा १६५ निर्वाचन क्षेत्र रहेका छन्। प्रतिनिधि सभा सदस्य निर्वाचन गर्ने प्रायोजनका लागि निर्वाचन क्षेत्र निर्धारण गरिएको हुन्छ। प्रतिनिधि सभा सदस्यको निर्वाचन लागि क्षेत्र निर्धारण गर्दा संविधानको धारा ८५ को उपधारा १ को खण्ड क बमोजिम जनसङ्ख्या, भौगोलिक अनुकुलता र विशिष्टताका आधारमा १६५ निर्वाचन क्षेत्र निर्धारण गरिएको छ। नेपालको संविधान २०७२ अनुसार नयाँ निर्वाचन क्षेत्रलाई अर्को २० वर्ष (२०९३ सम्म) परिवर्तन गर्न मिल्दैन र उक्त व्यवस्थालाई कुनै पनि अदालतमा चुनौती दिन सकिँदैन।