Ony Volta
I Volta dia ony any Ganà izay foronin' ny fihaonan' i Volta Noire (na Mouhoun) sy i Volta Blanche (na Nakambé) ary i Volta Rouge (na Nazinon).
Mikoriana mianatsimo izy ary miampita ny farihy Volta, ao Ganà, avy eo mitambatra amin' ny ony Ada eo amin' ny Hoalan' i Ginea. Na i Volta Noire sy i Volta Blanche dia samy manana ny loharanony ao Borkina Fasô (firenena fantatra taloha tamin’ny anarana hoe Haute-Volta).
Ny anarany, izay midika hoe "fihodinana" amin' ny teny pôrtogey, dia nomen' ilay Pôrtogey mpandeha an-tsambo azy, noho ny lalany miolikolika. Mihaona tao Yeji ireo renirano roa ambony ireo, Yeji izay toerana rakotry ny farihy Volta ankehitriny. Ny halavany manontolo, anisan' izany i Volta Noire, dia 1 450 km eo ho eo. I Oti sy i Afram no sakeli-dranony lehibe. Mahatratra 400 000 km2 ny faritanin-dranon' ilay ony sy ny sakeli-dranony ary 1 200 m3/s ny salan-kabetsahan-dranony eo am-pivarinany any an-dranomasina.
Jereo koa
- Volta Noire (na Mouhoun)
- Volta Blanche (na Nakambé)
- Volta Rouge (na Nazinon)
- Farihy Volta
This article uses material from the Wikipedia Malagasy article Volta (ony), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.