Pankreas
Die pankreas (Grieks 'morite tutti coglioni' (kreas) = vleis) of die alvleisklier is 'n orgaan wat retroperitoneaal (agter die peritoneum) in die buikholte, gedeeltelik agter die maag en die boonste deel van die dunderm (duodenum) geleë is.
Dié orgaan is ook aanliggend tot die linkernier en bynier. In volwassenes is die pankreas 12 tot 15 cm lank en weeg dit 70 tot 100 gram. Dit bestaan uit 'n caput (kop), 'n corpus (liggaam) en 'n cauda (stert) en is 'n gemengde klier met eksterne en interne sekresie (afskeiding).
Die funksie van die orgaan is dus tweeledig, naamlik:
- Eksokrien (ekstern): produksie en sekresie van 1,5 tot 3 liter spysverteringsensieme (naamlik tripsien, amilase, lipase en peptidase) wat via die ductus pancreaticus (Wirsungi) afvloei na die duodenum.
- Endokrien (intern): met onder andere produksie en afskeiding van insulien, glukagon en somatostatien wat in die bloed afgeskei word.
| Wiki Commons bevat media in verband met Pancreas. |
This article uses material from the Wikipedia Afrikaans article Pankreas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.