YouTube: Webwerf wat gebruikers in staat stel om video's te kyk

Die webwerf behels films, musiek videos, nuus, opvoedkundige programme, sowel as video blogs, skyfievertonings, humoristiese video's, en nog baie meer te kyk. YouTube is tans die grootste video webwerf op die Internet.

YouTube
Tipe	Filiaalmaatskappy
Gestig	14 Februarie 2005
Hoofkantoor	San Bruno, Kalifornië, Verenigde State
Sleutelpersone	Susan Wojcicki (hoofuitvoerendebeampte) Chad Hurley (raadgewer)
Gebied bedien	Wêreldwyd, behalwe vir afkeurende lande
Industrie	Internet
Produkte	Videooplaaidiens
Moedermaatskappy	Alphabet Inc.
Slagspreuk	Broadcast Yourself (2005–2012)
Webwerf	youtube.com

YouTube is in Februarie 2005 opgerig deur drie voormalige PayPal medewerkers. 'n Groot verskil met ander video webwerwe in die tyd was dat alle video's outomaties omgeskakel word na een formaat wat vir baie mense toeganklik is, Flash video (.flv). Dit, gekombineerd daarmee dat die hele webwerf gratis vir gebruik is, het daarvoor gesorg dat YouTube nou die grootste videowebwerf op die internet geword het, en één van die grootste webwerwe op die internet in sy geheel.

Die meerderheid van die video's op YouTube word deur indiwiduë uit die publiek uit opgelaai, alhoewel sommige mediamaatskappye soos CBS, BBC, VEVO, Hulu en andere ook van hulle eie materiaal beskikbaar stel. Ongeregistreerde YouTube gebruikers kan gratis na video's kyk, terwyl geregistreerde gebruikers video's kan oplaai. Sommige video's wat as moontlik beledigend of aanstootlik beskou word, kan slegs deur geregistreerde gebruikers van ouer as 18 jaar gekyk word. In November 2006 is YouTube deur Google oorgeneem, teen 'n bedrag van 1.65 miljard Amerikaanse dollar. YouTube is dus tans as 'n onderafdeling van Google.

Daar word nie baie statistieke uitgegee nie, maar in Julie 2006 het YouTube 'n berig uitgegee dat daar elke dag meer as 100 miljoen video's gekyk word, en in die hele maand was uiteindelik 2,5 miljard video's afgelaai. Net in Januarie 2008 is daar al 3 miljard video's deur slegs 79 miljoen mense afgelaai.

Voor die loods van hierdie webwerf, was daar baie min geleenthede gewees om video's op die Internet te laai. Ná YouTube begin is, het daar 'n hele aantal ander webwerwe opgespring wat ook gebruikers in staat gestel het om video's op die Internet te laai.

In ruil vir die stoor van die video's moet die oplaaier van alle outeursregte afstand doen. Dit beteken dat jy nie iemand anders se werk mag oplaai indien dit onder kopiereg beskerm word nie. In sommige gevalle bevat opgelaaide video's wel materiaal wat onder kopiereg staan, en kan hulle soms deur YouTube geblokkeer word.

Die skending van kopiereg deur YouTube gebruikers het al tot verskeie regsgedinge gelei. In Maart 2007 het Viacom in 'n saak teen Google, die YouTube eienaar, 'n bedrag van 1 miljard dollar geëis omdat daar 160 000 van sy video's op YouTube beskikbaar was. In September 2007 is YouTube deur 20th Century Fox gedwing om honderde video's te verwyder. Verskeie mediagroepe, waaronder Sony BMG, BBC en Samsung het egter al ooreenkomste met YouTube bereik waarvolgens hulle video- en klankmateriaal wel in sommige gevalle gebruik mag word.

Op YouTube mag gebruikers video's oplaai met 'n maksimum grootte van 1 024 MB, maar elke video mag slegs 10 minute lank wees. Formate soos .avi (XviD met MP3), .mp4 (H.264 met AAC+,) .mov, .mpeg word aanvaar. Die video's word omgeskakel na .flv, met daarin die H.263 videoenkodering en 64kbit/s MP3 monogeluid. Die datastroom het 'n totale bitrate van +/- 330 kbit/s, die resolusie is 320x240. Sedert Maart 2008 gee YouTube ook die keuse om die video's in hoër gehalte af te laai. Die resolusie is verhoog van 320x240 na 480x360.

Daar is twee moontlikhede: tik jy &fmt=6 agter die adres van die video in jou webblaaier, dan kry jy 'n H.263 stroom van +/- 600kbit/s met 96kbit/s MP3 mono. Met &fmt=18 kan jy luister na 'n stereostroom, die formaat is dan nie .flv nie, maar .mp4. Die .mp4 bestaan uit 'n H.264-beeldstroom van 300-400kbit/s en +/- 128kbit/s AAC-geluid.

Op 19 Junie 2007 was Eric E. Schmidt in Parys om die nuwe lokaliseringstelsel van stapel te stuur. In die volgende lande is die stelsel al in werking gestel:

Land	Tale	Oprigtingsdatum
Verenigde State (en wêreldwyde bekendstelling)	Engels	15 Februarie 2005
Brasilië	Portugees	19 Junie 2007
Frankryk	Frans en Baskies	19 Junie 2007
Ierland	Hiberno-Engels	19 Junie 2007
Italië	Italiaans	19 Junie 2007
Japan	Japannees	19 Junie 2007
Nederland	Nederlands	19 Junie 2007
Pole	Pools	19 Junie 2007
Spanje	Spaans, Galicies, Katalaans en Baskies	19 Junie 2007
Verenigde Koninkryk	Engels	19 Junie 2007
Meksiko	Spaans	11 Oktober 2007
Hongkong	Chinees en Engels	17 Oktober 2007
Republiek van China	Chinees	18 Oktober 2007
Australië	Engels	22 Oktober 2007
Nieu-Seeland	Engels	22 Oktober 2007
Kanada	Kanadese Frans en Kanadese Engels	6 November 2007
Duitsland	Duits	8 November 2007
Rusland	Russies	13 November 2007
Suid-Korea	Koreaans	23 Januarie 2008
Indië	Hindi, Bengaals, Engels, Gujarati, Kannada, Malayalam, Marathi, Tamil, Telugu en Oerdoe	7 Mei 2008
Israel	Hebreeus	16 September 2008
Tsjeggië	Tsjeggies	9 Oktober 2008
Swede	Sweeds	22 Oktober 2008
Suid-Afrika	Afrikaans, Zoeloe en Engels	17 Mei 2010
Argentinië	Spaans	8 September 2010
Algerië	Frans en Arabies	9 Maart 2011
Egipte	Arabies	9 Maart 2011
Jordanië	Arabies	9 Maart 2011
Marokko	Frans en Arabies	9 Maart 2011
Saoedi-Arabië	Arabies	9 Maart 2011
Tunisië	Frans en Arabies	9 Maart 2011
Jemen	Arabies	9 Maart 2011
Kenia	Swahili en Engels	1 September 2011
Filippyne	Filippyns en Engels	13 Oktober 2011
Singapoer	Engels, Maleis, Chinees en Tamil	20 Oktober 2011
België	Frans, Nederlands, en Duits	16 November 2011
Colombia	Spaans	30 November 2011
Uganda	Engels	2 Desember 2011
Nigerië	Engels	7 Desember 2011
Chili	Spaans	20 Januarie 2012
Hongarye	Hongaars	29 Februarie 2012
Maleisië	Maleis en Engels	22 Maart 2012
Peru	Spaans	25 Maart 2012
Verenigde Arabiese Emirate	Arabies en Engels	1 April 2012
Griekeland	Grieks	1 Mei 2012
Indonesië	Indonesies en Engels	17 Mei 2012
Ghana	Engels	5 Junie 2012
Senegal	Frans en Engels	4 Julie 2012
Turkye	Turks	1 Oktober 2012
Oekraïne	Oekraïens	13 Desember 2012
Denemarke	Deens	1 Februarie 2013
Finland	Fins en Sweeds	1 Februarie 2013
Noorweë	Noors	1 Februarie 2013
Switserland	Duits, Frans en Italiaans	29 Maart 2013
Oostenryk	Duits	29 Maart 2013
Roemenië	Roemeens	18 April 2013
Portugal	Portugees	25 April 2013
Slowakye	Slowaaks	25 April 2013
Bahrein	Arabies	16 Augustus 2013
Koeweit	Arabies	16 Augustus 2013
Oman	Arabies	16 Augustus 2013
Katar	Arabies	16 Augustus 2013
Bosnië en Herzegowina	Bosnies, Kroaties en Serwies	17 Maart 2014
Bulgarye	Bulgaars	17 Maart 2014
Kroasië	Kroaties	17 Maart 2014
Estland	Estnies	17 Maart 2014
Letland	Lets	17 Maart 2014
Litaue	Litaus	17 Maart 2014
Montenegro	Serwies en Kroaties	17 Maart 2014
Noord-Masedonië	Macedonies, Serwies en Turks	17 Maart 2014
Serwië	Serwies	17 Maart 2014
Slowenië	Sloweens	17 Maart 2014
Thailand	Thai	1 April 2014
Libanon	Arabies	1 Mei 2014
Puerto Rico	Spaans en Engels	23 Augustus 2014
Ysland	Yslands	?, 2014
Luxemburg	Frans en Duits	?, 2014
Viëtnam	Viëtnamees	1 Oktober 2014
Libië	Arabies	1 Februarie 2015
Tanzanië	Swahili en Engels	2 Junie 2015
Zimbabwe	Engels	2 Junie 2015
Azerbeidjan	Azerbeidjans	12 Oktober 2015
Belarus	Russies	12 Oktober 2015
Georgië	Georgies	12 Oktober 2015
Kasakstan	Kasaks	12 Oktober 2015
Nepal	Nepalees	12 Januarie 2016
Pakistan	Oerdoe en Engels	12 Januarie 2016
Sri Lanka	Singalees en Tamil	12 Januarie 2016
Irak	Arabies	?, 2016
Jamaika	Engels	?, 2016

• Vimeo

• (en) Amptelike webwerf
• (en) Sensuur by Youtube: YouTube Taps ADL as Partner in Fight Against Hate Geargiveer 16 Desember 2008 op Wayback Machine, deur die International Business Times