Witbank
Witbank (amptelik eMalahleni) is 'n stad geleë op die hoëveld van Mpumalanga, Suid-Afrika.
- Hierdie artikel handel oor die stad in Mpumalanga. Vir die dorpie in die Noord-Kaap, sien Witbank (Noord-Kaap).
Die naam Witbank is afgelei van 'n wit sandsteen uitspanplek waar transportdrywers voorheen gerus het. In Maart 2006 word die stad herdoop na eMalahleni, die Nguni woord vir "die plek van kool". Die stad is in 'n steenkoolmyngebied met 22 mynmaatskappye in 'n gebied met 'n radius van kleiner as 40 km. Daar is verskeie steenkoolaangedrewe kragstasies naby, asook 'n staalfabriek wat steenkool gebruik, naamlik Highveld Steel and Vanadium Corporation.
Witbank eMalahleni | |
|---|---|
Stad | |
 Uitsig oor Witbank | |
  Witbank Witbank se ligging in Mpumalanga | |
| Koördinate: 25°50′S 29°12′O / 25.833°S 29.200°O 29°12′O / 25.833°S 29.200°O | |
| Land |  Suid-Afrika |
| Provinsie | Mpumalanga |
| Distrik | Nkangala |
| Munisipaliteit | Emalahleni |
| Stigting | 1890 |
| Regering | |
| • Tipe | Plaaslike Munisipaliteit |
| Oppervlak | |
| • Totaal | 164,27 km2 (63,43 vk. myl) |
| Bevolking (2011) | |
| • Totaal | 108 673 |
| • Digtheid | 662/km2 (1 710/vk. myl) |
| Rasverdeling (2011) | |
| • Wit mense | 46.8% |
| • Indiërs/Asiërs | 2.5% |
| • Bruin mense | 2.0% |
| • Swart mense | 48.1% |
| • Ander | 0.6% |
| Taal (2011) | |
| • Afrikaans | 42.4% |
| • Zoeloe | 17.6% |
| • Engels | 13.7% |
| • Noord-Sotho | 7.6% |
| • Ander | 18.7% |
| Poskode (strate) | 1035 |
| Poskode (posbusse) | 1034 |
| Skakelkode | 013 |
| Webwerf | http://www.emalahleni.gov.za/ |
Ontstaan en groei
Witbank is gestig in 1890. Vroeëre pogings om steenkool te myn was onsuksesvol totdat die spoorlyn van Pretoria in 1894 die gebied bereik het. Witbank het 'n dorp geword in 1903, 'n munisipaliteit op 13 Mei 1910, en daarna stadstatus verkry (datum onbekend). Die Universiteit van Pretoria het in 1989 'n kampus hier opgerig.
Distrik
Die distrik is 2 900 km² groot en gemengde boerdery word beoefen: bees en suiwel, mielies, aartappels en patats. Daar is ook groot neerslae van ystererts, chroom, mangaan, asbes, mika en kobalt in die distrik.
Trivia
- Winston Churchill, toe 'n jong soldaat-joernalis, het in 'n mynskag naby Witbank weggekruip na sy ontsnapping uit Pretoria tydens die Tweede Vryheidsoorlog.
- Witbankdam is die grootste munisipale dam in die suidelike halfrond.
- Die N4 nasionale pad gaan deur Witbank en aan die oostekant van Witbank sluit die N12 nasionale pad by die N4 aan.
Persone gebore in Witbank
- Hennie Muller (26 Maart 1922 – 26 April 1977) was 'n Springbokrugbykaptein.
Galery
-
Witbanktreinstasie -
Duvhakragsentrale, met Bankenveld-voorstad in die voorgrond -
Kusilekragsentrale wes van Witbank -
Kendalkragsentrale is suidwes van Witbank geleë
Sien ook
Verwysings
Eksterne skakels
- Wiki Afrikaans
Wiki Commons het meer media in die kategorie Witbank. - (en) Toerisme-inligting oor Witbank op Wikivoyage
This article uses material from the Wikipedia Afrikaans article Witbank, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.