Universiteit Van Pretoria

Universiteit van Pretoria
Die Ou Lettere- en Geesteswetenskappegeboue
Leuse:	Ad Destinatum Persequor
Leuse in Afrikaans:	Met ywer en volharding streef ek na die doel
Leuse in Engels:	With zeal and perseverance I strive towards the goal
Gestig:	4 Maart 1908
Tipe:	Openbare universiteit
Befondsing:	R2 470 miljoen (31 Desember 2010)
Kanselier:	Wiseman Nkuhlu
Personeel:	4 099 (voltydse aanstellings)
Studentetal:	38 934 Kontak 18 475 Afstand 57 409 Totaal
Voorgraadse studente:	28 450
Nagraadse studente:	10 484
Ligging:	Pretoria, Gauteng 25°45′13″S 28°13′47″O / 25.75361°S 28.22972°O / -25.75361; 28.22972 28°13′47″O / 25.75361°S 28.22972°O / -25.75361; 28.22972
Kampus:	7 Suburban kampusse en fasiliteite 1120 ha (2767 akker)[6]
Kleure:	Blou, rooi en goud
Bynaam:	Tuks of Tukkies
Gelukbringer:	Oom Gert
Affiliasies:	AAU ACU CDIO FOTIM HESA IEASA
Webtuiste:	up.ac.za

Die universiteit het in 1908 ontstaan as die Pretoriakampus van die Johannesburg-gebaseerde Transvaalse Universiteitskollege (waarvan die naam Tukkies afgelei is) en het gegroei uit die oorspronklike 32 studente in 'n enkele laat-Victoriaanse huis tot ongeveer 39 000 in 2010. Die universiteit het in 1930 selfstandig geword toe die Privaatwet op die Universiteit van Pretoria (Wet no. 13 van 1930) die universiteit tot 'n onafhanklike universiteit verklaar het, met Tielman Roos as eerste kanselier (tot 1932).

Sedert 1997 het die Universiteit meer navorsingsuitsette elke jaar as enige ander instelling van hoëronderwys in Suid-Afrika geproduseer, soos gemeet deur die Departement van Onderwys se akkreditasiemaatstaf. In 2008 het die universiteit 15,8% van alle meesters- en doktorsgrade in Suid-Afrika toegeken, die hoogste persentasie in Suid-Afrika.

In die 1980s het die universiteit sowat 13 000 studente gehad, maar in 2005 was daar reeds 38 499 inwonende studente aan die universiteit geregistreer, teenoor 28 093 in 2000. Die verhouding tussen wit en swart was 60:40. Buiten die residensiële studente was daar ook sowat 13 000 studente wat vir die universiteit se afstandsonderrigprogramme ingeskryf het, hoofsaaklik in die Fakulteit Opvoedkunde. Van hulle was meer as 95% swart.

Klasse het in 1989 op die Witbank-kampus begin.

Die universiteit het nege fakulteite:

• Ekonomiese en Bestuurswetenskappe
• Opvoedkunde
• Ingenieurswese, Bou-omgewing en Inligtingstegnologie
• Gesondheidswetenskappe
• Geesteswetenskappe
• Regte
• Natuur- en Landbouwetenskappe
• Teologie
• Veeartsenykunde

• Andries Breytenbach (1944-), professor in die Departement Teologie.

 

• Dr Anton Rupert – Miljarder, voormalige UP-Kanselier en Tukkie-van-die-Eeu
• Prof dr Chris Barnard – Beroemde hartchirurg
• Dr Mimi Coertse – Internasionale Operasanger
• Prof Christof Heyns – Spesiale Rapporteur aan die Verenigde Nasies se Raad op Menseregte
• Dr Marius Kloppers – Internasionale HUB van wêreldwye mynreus BHP Billiton
• Dr Chris Stals – Sakeleier & voormalige UP-Kanselier
• Emeritus Aartsbiskop Desmond Tutu – Ontvanger van die Nobelprys vir Vrede
• Dr Johan van Zyl – HUB: Sanlam
• Jacques Freitag – Suid-Afrikaanse rekordhouer in hoogspring
• Tobie Cronjé - Afrikaanse akteur
• Pierneef - Suid-Afrikaanse landskapkunstenaar
• Jak de Priester - Afrikaanse sanger en skrywer
• Adriaan Vlok - Minister van Wet en Orde in Suid-Afrika vanaf 1986 tot 1991
• Joost van der Westhuizen - Voormalige Springbokrugbyspeler
• Margaret Roberts - Internasionaal erkende kruiekundige

• Lys van universiteite in Suid-Afrika

• Amptelike Tukkies-webwerf
• Schirmer, Peter. Die beknopte geïllustreerde ensiklopedie van Suid-Afrika, Sentrale Nuusagentskap (Edms.) Bpk., Johannesburg, 1981

• Die universiteit se webwerf