Die Swaarmasjienlaboratorium, op die Hatfieldkampus van die Universiteit van Pretoria, is in 'n soortgelyke Brasiliaanse styl gebou as die van die Ingenieurswese I-gebou langsaan.
Die gebou is in 1958 voltooi en in 1982 uitgebrei met werkruimte vir die Departemente Meganiese-, Elektriese- en Siviele Ingenieurswese. Die fasiliteite huisves onder andere ’n windtonnel waar die aërodinamika van prototipe vliegtuie getoets kan word. Die swaarmasjienlaboratoriums word veral deur die departemente Elektriese-, Elektroniese- en Rekenaar-Ingenieurswese gebruik vir eksperimente op kragstelsels, elektriese drywers en kragaangedrewe elektroniese stelsels. Dit huisves ook ’n brandstofsel-navorsingsfasiliteit. Die fasiliteite vir Siviele Ingenieurswese sluit onder andere hout- en sementlaboratoriums in asook ’n spesialis geotegniese laboratorium vir die toetsing van 'n verskeidenheid konstruksiemateriale.
This article uses material from the Wikipedia Afrikaans article Swaarmasjienlaboratorium UP, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.