Wêreldomgewingsdag: Verenigde Nasies-dag wat bewustheid en optrede vir die omgewing aanmoedig
Wêreldomgewingsdag is 'n jaarlikse herdenking wat op 5 Junie gehou word.
Die doel van hierdie dag is om mense bewus te maak van die noodsaaklikheid daarvan dat die omgewing en die natuurlike hulpbronne met sorg gehanteer en bewaar word. Die aandag word by herhaling gevestig op onder andere die waarde van natuurlike hulpbronne, die gevare van besoedeling, en die nadele verbonde aan die gebruik van chemiese insek-, plaag- en pesbestrydingsmiddels.
Die Wêreldomgewingsdag (Engels: World Environment Day) is op 5 Junie 1972, die openingsdag van die eerste Wêreldomgewingsspitsberaad in Stockholm (Swede), amptelik deur die Verenigde Nasies se Omgewingsprogram in die lewe geroep. Tans word hierdie jaarlikse herdenking deur sowat 150 lande wêreldwyd gehou.
Bronne
| Wiki Commons bevat media in verband met World Environment Day. |
- Senior Biologie, Du Toit, Van Rensburg, Du Toit, Botha, Van der Merwe, Volschenk, Van der Westhuyzen, De Kock, Niebuhr. Nasionale Opvoedkundige Uitgewery Beperk, 1989.
This article uses material from the Wikipedia Afrikaans article Wêreldomgewingsdag, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.