Christene: Volgelinge can Christen geloof

Hulle glo dat Jesus Christus, die Seun, sowat 2000 jaar gelede aan die kruis gesterf het om die sondige mens van sy sondes te verlos, opgestaan het uit die dood, opgevaar het na die hemel en op 'n dag sal terugkeer om die mensheid te oordeel.

Christene
Totale bevolking:	ca. 2,4 miljard (2015)
Belangrike bevolkings  in:	Europese Unie 373 656 000  Verenigde State 246 790 000  Brasilië 175 770 000  Meksiko 107 780 000   Rusland 105 220 000  Filippyne 86 790 000  Nigerië 80 510 000  Volksrepubliek China 67 070 000  Demokratiese Republiek die Kongo 63 150 000  Ethiopië 52 580 000
Taal:	Oorwegend gesproke tale: Spaans • Engels • Portugees • Russies • Mandaryns-Chinees • Frans • Duits • Pools • Oekraïens • Tagalog • Italiaans • ander inheemse tale van die wêreld Heilige tale: Latyn • Koine • Siries
Geloofsoortuiging:	Christendom: 50% Rooms-Katolieke Kerk en Oosters-Katolieke kerke 37% Protestantisme: Adventisme, Anglikanisme, Baptisme, Calvinisme, Lutheranisme, Methodisme, Pinksterbeweging en ander denominasies 12% Ortodoksie: Oosters-Ortodokse Kerk en Oriëntale Ortodoksie 1% Ander Christelike tradisies: insluitende Assiriese Kerk van die Ooste, Kerk van Jesus Christus van die Heiliges van die Laaste Dae, Jehovah se Getuies, Unitarisme en nie-denominasionele Christenskap
Verwante etniese groepe:

Christene beskou die Bybel as die onfeilbare Woord van God. Hulle glo voorts in verlossing deur genade, met antwoorde dat 'n mens nooit die ewige lewe op grond van goeie werke deelagtig kan word nie, maar suiwer deur God se genadige redding (jou "wedergeboorte").

Wedergebore Christene verklaar met 'n absolute sekerheid dat hulle geredde kinders van God is wat tot in alle ewigheid deel sal hê in Sy koninkryk – en in dié opsig verskil die Christendom radikaal van ander godsdienste.

In Suid-Afrika, soos wêreldwyd, is die Christendom egter in talle kerkgenootskappe en sektes versplinter. Dikwels is die skismas (kerkskeuringe) die gevolg van verskillende interpretasies van minder kardinale sienings wat tog nie die hoofboodskap van die Christendom aantas nie.

Die woord "Christen" kan manlik of onsydig wees en "Christin" verwys na 'n vroulike persoon.

 

Vanaf die vroeë 21ste eeu het die Christendom ongeveer 2,2 miljard medegelowiges. Dit sluit sowat ’n kwart of ’n derde van die wêreldbevolking in en is die grootste godsdiens ter wêreld, met sowat 38 000 Christelike denominasies. Christene het vir die afgelope 100 jaar omtrent 33% van die wêreldbevolking uitgemaak. Die grootste Christelike denominasie is die Rooms-Katolieke kerk, met 1,166 miljard medegelowiges, wat die helfte van die Christendom beslaan.

Twintig lande met die meeste Christene

Land	Christene	% Christene
Verenigde State	176 400 000	78,4%
Brasilië	174 700 000	90,4%
Meksiko	105 095 000	94,5%
Rusland	99 775 000	70,3%
Filippyne	90 530 000	92,4%
Nigerië	76 281 000	48,2%
Demokratiese Republiek van die Kongo	68 558 000	95,6%
China	66 959 000	5,0%
Italië	55 070 000	91,1%
Ethiopië	54 978 000	64,5%
Duitsland	49 400 000	59,9%
Colombia	44 502 000	97,6%
Oekraïne	41 973 000	91,5%
Suid-Afrika	39 843 000	79,7%
Argentinië	37 561 000	92,7%
Pole	36 526 000	95,7%
Spanje	35 568 000	77,2%
Frankryk	35 014 000	53,5%
Kenia	34 774 000	85,1%
Uganda	29 943 000	88,6%

• (en) Bickerman, Elias J. (April 1949). "The Name of Christians". The Harvard Theological Review. 42 (2): 109–124. doi:10.1017/s0017816000019635. JSTOR 1507955.
• (en) Bickerman, Elias J. (1986). Studies in Jewish and Christian history. ISBN 90-04-04395-0.
• (en) Wuest, Kenneth Samuel (1973). Wuest's word studies from the Greek New Testament. Vol. 1. ISBN 978-0-8028-2280-2.

• Wiki Afrikaans  Wiki Commons het meer media in die kategorie Christene.