ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱫᱚ ᱥᱮᱨᱢᱟᱠᱤᱭᱟᱹ ᱕ ᱡᱩᱱ ᱦᱤᱞᱳᱜ ᱥᱟᱪᱟᱨᱦᱮ ᱨᱟᱠᱷᱟ ᱫᱚᱦᱚ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱟᱨ ᱪᱮᱸᱜᱷᱟᱣᱱᱟ ᱞᱟᱹᱜᱤᱫ ᱠᱚ ᱢᱟᱱᱟᱣᱟ᱾ ᱱᱚᱣᱟ ᱫᱚ ᱟᱭᱢᱟ ᱵᱮᱼᱥᱚᱨᱠᱟᱨᱤ ᱜᱚᱱᱚᱴᱷᱚᱱ, ᱵᱮᱯᱟᱨ, ᱥᱚᱨᱠᱟᱨᱤ ᱮᱱᱴᱤᱴᱤ ᱠᱚᱣᱟᱜ ᱜᱚᱲᱚ ᱛᱮ ᱦᱩᱭᱩᱜ ᱠᱟᱱᱟ᱾ ᱱᱚᱣᱟ ᱫᱚ ᱡᱮᱜᱮᱛᱟᱹᱨᱤ ᱡᱟᱹᱛᱤᱭᱟᱹᱨᱤ ᱢᱟᱦᱟᱸ ᱠᱟᱱᱟ ᱟᱨ ᱥᱟᱪᱟᱨᱦᱮ ᱜᱚᱲᱚ ᱞᱟᱹᱜᱤᱫ ᱡᱟᱹᱛᱤ ᱜᱟᱫᱮᱞ ᱟᱜ ᱯᱨᱚᱪᱟᱨ ᱢᱟᱦᱟᱸ ᱮ ᱟᱹᱭᱩᱨ ᱮᱫᱟ᱾
᱑᱙᱗᱓ ᱥᱟᱞᱮ ᱨᱮ ᱯᱩᱭᱞᱩ ᱫᱷᱟᱣ ᱦᱩᱭ ᱞᱮᱱ ᱛᱟᱦᱮᱸᱫ, ᱱᱚᱣᱟ ᱫᱚ ᱫᱚᱨᱮᱭᱟ ᱫᱩᱥᱚᱱ, ᱵᱟᱹᱲᱛᱤᱜ ᱠᱟᱱ ᱦᱚᱲ ᱮᱞ, ᱫᱷᱟᱹᱨᱛᱤ ᱞᱚᱞᱚ, ᱴᱮᱠᱥᱚᱭ ᱩᱛᱱᱟᱹᱣ ᱞᱮᱠᱟᱱ ᱥᱟᱪᱟᱨᱦᱮ ᱮᱴᱠᱮᱴᱚᱬᱮ ᱠᱚ ᱵᱟᱵᱚᱛ ᱪᱮᱸᱜᱷᱟᱣᱱᱟ ᱞᱟᱹᱜᱤᱫ ᱢᱤᱫ ᱯᱞᱟᱴᱯᱷᱚᱨᱢ ᱛᱟᱦᱮᱸ ᱠᱟᱱᱟ᱾ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮᱱ ᱦᱚᱲ ᱠᱚ ᱞᱟᱹᱜᱤᱫ ᱪᱮᱸᱜᱷᱟᱣᱱᱟ ᱨᱮᱭᱟᱜ ᱢᱤᱫ ᱯᱞᱟᱴᱯᱷᱚᱨᱢ ᱠᱟᱱᱟ, ᱡᱟᱦᱟᱸ ᱨᱮ ᱥᱮᱨᱢᱟ ᱨᱮ ᱑᱔᱓ ᱜᱚᱴᱟᱝ ᱫᱤᱥᱚᱢ ᱠᱷᱚᱱ ᱠᱚ ᱥᱮᱞᱮᱫᱚᱜᱼᱟ᱾ ᱡᱚᱛᱚ ᱥᱮᱨᱢᱟ, ᱱᱚᱣᱟ ᱯᱨᱚᱜᱨᱟᱢ ᱫᱚ ᱵᱮᱯᱟᱨᱤᱭᱟᱹ, ᱵᱮᱼᱥᱚᱨᱠᱟᱨᱤ ᱜᱚᱱᱚᱴᱷᱚᱱ, ᱜᱟᱶᱛᱟ, ᱥᱚᱨᱠᱟᱨ ᱟᱨ ᱧᱩᱛᱩᱢᱟᱱ ᱦᱚᱲ ᱠᱚ ᱞᱟᱹᱜᱤᱫ ᱢᱤᱫ ᱛᱷᱤᱢ ᱟᱨ ᱯᱷᱳᱨᱳᱢ ᱮᱢ ᱟᱠᱟᱫᱟ ᱡᱟᱦᱟᱸᱭ ᱫᱚ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱮᱴᱠᱮᱴᱚᱬᱮ ᱠᱚ ᱵᱟᱵᱚᱛ ᱠᱚ ᱞᱟᱹᱭᱟ᱾
ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱑᱙᱗᱒ ᱥᱮᱨᱢᱟ ᱨᱮ ᱢᱟᱹᱱᱢᱤᱭᱟᱜ ᱥᱟᱪᱟᱨᱦᱮ ᱢᱤᱫᱩᱱ ᱨᱮ ᱡᱟᱹᱛᱤ ᱜᱟᱫᱮᱞ ᱦᱚᱛᱮᱛᱮ ᱵᱮᱨᱮᱫ ᱞᱮᱱᱟ (᱕-᱑᱖ ᱡᱩᱱ ᱑᱙᱗᱒), ᱡᱟᱦᱟᱸ ᱫᱚ ᱢᱟᱹᱱᱢᱤᱭᱟᱜ ᱢᱮᱥᱟᱜ ᱟᱨ ᱥᱟᱪᱟᱨᱦᱮ ᱡᱚᱯᱲᱟᱣ ᱵᱟᱵᱚᱛ ᱦᱩᱭ ᱞᱮᱱᱟ᱾ ᱢᱤᱫ ᱥᱮᱨᱢᱟ ᱛᱟᱭᱚᱢ ᱑᱙᱗᱓ ᱨᱮ ᱯᱩᱭᱞᱩ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱦᱩᱭ ᱞᱮᱱᱟ᱾ ᱚᱱᱟ ᱢᱟᱦᱟᱸ ᱨᱮᱫᱚ "ᱢᱤᱫᱴᱟᱝ ᱥᱩᱢᱩᱝ ᱜᱮ ᱫᱷᱟᱹᱨᱛᱤ" ᱛᱷᱤᱢ ᱛᱟᱦᱮᱸ ᱠᱟᱱᱟ᱾
ᱢᱚᱬᱮ ᱜᱮᱞ ᱥᱮᱨᱢᱟ ᱜᱟᱱ ᱠᱷᱚᱱ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱫᱚ ᱥᱟᱪᱟᱨᱦᱮ ᱞᱟᱹᱜᱤᱫ ᱪᱮᱸᱜᱷᱟᱣᱱᱟ, ᱜᱚᱯᱚᱲᱚ ᱠᱟᱹᱢᱤᱦᱚᱨᱟ ᱟᱨ ᱵᱚᱱᱚᱫᱚᱞ ᱮ ᱟᱹᱭᱩᱨ ᱟᱹᱜᱩᱭᱮᱫᱟ᱾ ᱱᱚᱸᱰᱮ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱨᱮᱭᱟᱜ ᱱᱟᱜᱟᱢ ᱨᱮ ᱢᱩᱬᱩᱛ ᱦᱟᱢᱮᱴ ᱠᱚ ᱮᱢ ᱮᱱᱟ:
᱒᱐᱐᱖ ᱥᱮᱨᱢᱟ ᱨᱮᱱᱟᱜ ᱡᱮᱜᱮᱛᱟᱹᱨᱤ ᱢᱟᱦᱟᱸ ᱨᱮᱱᱟᱜ ᱛᱷᱚᱠ ᱫᱚ ᱦᱩᱭᱩᱜ ᱠᱟᱱᱟ Deserts and Desertification ᱟᱨ ᱥᱞᱳᱜᱟᱱ ᱫᱚ ᱦᱩᱭᱩᱜ ᱠᱟᱱᱟ "Don't desert drylands"᱾
ᱱᱚᱣᱟ ᱥᱞᱳᱜᱟᱱ ᱫᱚ ᱨᱚᱦᱚᱲ ᱴᱚᱴᱷᱟ ᱵᱟᱧᱪᱟᱣ ᱨᱮ ᱡᱳᱨ ᱮ ᱮᱢᱟᱜ ᱠᱟᱱ ᱛᱟᱦᱮᱱᱟ᱾ ᱢᱩᱬᱩᱛ ᱡᱮᱜᱮᱛᱟᱹᱨᱤ ᱠᱟᱹᱢᱤᱦᱚᱨᱟ ᱫᱚ ᱒᱐᱐᱖ ᱨᱮ ᱟᱞᱡᱮᱨᱤᱭᱟ ᱨᱮ ᱦᱩᱭ ᱞᱮᱱᱟ᱾
᱒᱐᱒᱓ ᱥᱮᱨᱢᱟ ᱨᱮᱱᱟᱜ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱨᱮᱱᱟᱜ ᱛᱷᱤᱢ ᱫᱚ ᱦᱩᱭᱩᱜ ᱠᱟᱱᱟ "ᱯᱞᱟᱥᱴᱤᱠ ᱯᱚᱞᱩᱥᱚᱱ ᱨᱮᱱᱟᱜ ᱥᱚᱞᱦᱮ"᱾ ᱟᱨ ᱱᱚᱣᱟ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱨᱮᱱᱟᱜ ᱜᱟᱞᱚᱪ ᱫᱚ ᱟᱭᱵᱷᱚᱨᱤ ᱠᱳᱥᱴ ᱨᱮ ᱦᱩᱭ ᱞᱮᱱᱟ᱾ ᱱᱚᱣᱟ ᱫᱚ ᱯᱞᱟᱥᱴᱤᱠ ᱯᱚᱞᱩᱥᱚᱱ ᱨᱮ ᱦᱚᱲ ᱠᱚᱣᱟᱜ ᱠᱟᱹᱢᱤ ᱨᱮᱭᱟᱜ ᱢᱚᱦᱚᱛ ᱢᱮᱱᱟᱜᱼᱟ᱾ ᱯᱞᱟᱥᱴᱤᱠ ᱯᱚᱞᱩᱥᱚᱱ ᱵᱤᱨᱩᱫᱽ ᱨᱮ ᱥᱚᱨᱠᱟᱨ ᱟᱨ ᱵᱮᱯᱟᱨ ᱜᱚᱱᱚᱴᱷᱚᱱ ᱠᱚ ᱡᱟᱦᱟᱸ ᱯᱟᱹᱣᱲᱤ ᱠᱚ ᱦᱟᱛᱟᱣᱟ ᱮᱫᱟ ᱚᱱᱟ ᱠᱚᱫᱚ ᱱᱚᱣᱟ ᱠᱟᱹᱢᱤᱦᱚᱨᱟ ᱨᱮᱭᱟᱜ ᱜᱮ ᱚᱨᱡᱚ ᱠᱟᱱᱟ᱾ ᱱᱚᱣᱟ ᱠᱟᱹᱢᱤ ᱦᱚᱨᱟ ᱞᱟᱦᱟ ᱤᱫᱤᱭ ᱟᱨ ᱢᱤᱫ ᱜᱩᱞᱟᱹᱴ ᱠᱟᱹᱣᱰᱤᱭᱟᱹᱨᱤ ᱛᱮᱭᱟᱨ ᱨᱟᱠᱟᱵ ᱨᱮᱭᱟᱜ ᱚᱠᱛᱚ ᱥᱮᱴᱮᱨ ᱟᱠᱟᱱᱟ᱾
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱡᱮᱜᱮᱛᱟᱹᱨᱤ ᱥᱟᱪᱟᱨᱦᱮ ᱢᱟᱦᱟᱸ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.