Tempel
’n Tempel (van die Latynse woord templum) is ’n struktuur wat vir godsdienstige of spirituele rituele en bedrywighede soos gebede en offerandes gebruik word.
Die woord word gewoonlik gebruik vir sulke geboue in alle gelowe waar daar nie ’n meer spesifieke term soos kerk, moskee of sinagoge bestaan nie. Dit sluit in Hindoeïsme, Boeddhisme, Bahaïsme, Djainisme en Zoroastrisme, asook antieke godsdienste soos dié van Antieke Egipte, Antieke Griekeland en Antieke Rome.
.jpg)
Beskrywing
Die vorm en funksie van ’n tempel verskil grootliks van geloof tot geloof, maar dit word gewoonlik beskou as die "huis" van een of meer gode. Benewens ander rituele word die een of ander vorm van offerandes aan die godheid gemaak. ’n Spesiale groep kerkamptenare is verantwoordelik vir die instandhouding en werking van die tempel. Die mate waarin gelowiges toegang tot die gebou het, wissel grootliks. Soms word net geestelikes in sekere dele van die tempel toegelaat.
Die woord kom uit Antieke Rome, waar ’n templum ’n heilige ruimte was soos deur ’n priester, of augur, aangewys. Dit het dieselfde stam as die woord template, ’n plan vir ’n gebou wat die augur op die grond uitgewys het.
Die woord word deesdae algemeen gebruik vir ’n plek van aanbidding, selfs van voor die Romeinse tydperk.
Sien ook
- Kerk (gebou), Christelike eweknie
- Moskee, Islamitiese eweknie
- Sinagoge, Joodse eweknie
Verwysings
Bronne
Hierdie artikel is vertaal uit die Engelse Wiki
Eksterne skakels
- Wiki Afrikaans
Wiki Commons het meer media in die kategorie Tempel. 
Wikiwoordeboek het 'n inskrywing vir tempel.
This article uses material from the Wikipedia Afrikaans article Tempel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.