Nowosibirsk
Nowosibirsk (Russies: Новосиби́рск, Nuwe Siberië) is die derde grootste stad in Rusland na Moskou en Sint Petersburg en die grootste stedelike nedersetting in Siberië met 'n bevolking van meer as 1,6 miljoen in 2019.
- Vir ’n artikel oor die oblast met dieselfde naam, sien Nowosibirsk-oblast.
Nowosibirsk, wat as setel van die gelyknamige administratiewe streek of oblast en as Siberië se industriële, wetenskaplike en kulturele sentrum dien, het sy stigting in 1893 aan die destydse grootskaalse uitbreiding van die Russiese Tsareryk se spoorwegnet te danke. 'n Brug van die Transsiberiese Spoorweg oor die Ob-rivier, wat hier byna een kilometer breed is, was die beginpunt van 'n vinnige stedelike groei. Tans is daar in die stadsgebied ses brûe oor die Ob.
| Nowosibirsk | |
|---|---|
| Nowosibirsk in Rusland | Wapen |
 | |
 | |
| Vlag | |
 | |
| Land |  Rusland |
| Oblast |  Nowosibirsk-oblast |
| Koördinate | 55°01′N 82°56′O / 55.017°N 82.933°O |
| Stigting | 1893 |
| Stadstatus | 1904 |
| Oppervlakte: | |
| - Totaal | 503 vk km |
| Hoogte bo seevlak | 177 m |
| Bevolking: | |
| - Totaal (2019) | 1 618 039 |
| - Bevolkingsdigtheid | 3 217/vk km |
| Tydsone | UTC+6 |
| - Somertyd | UTC+7 |
| Burgemeester | Anatoli Lokot |
| Amptelike Webwerf | www.novo-sibirsk.ru |
Die huidige stad se bakermat was 'n klein nedersetting aan die Ob se linkeroewer, Kriwosjtsjekowo, wat as geskikte bouplek vir 'n spoorwegbrug geag is. Naby die dorpie het 'n werkerskamp ontstaan. In 1895 is die nuwe nedersetting ter geleentheid van tsaar Nikolaas II se troonbestyging Nowonikolajefsk genoem. Twee jaar later is die spoorwegbrug voltooi, en reeds in 1903 is stadstatus aan die snelgroeiende nedersetting toegeken. In 1926 is die stadsnaam gewysig na Nowosibirsk.
Nowosibirsk se industriële sektor het gedurende die Tweede Wêreldoorlog sterk groei ervaar namate nywerheidsaanlegte ná die Duitse aanval op die Sowjetunie ooswaarts na Siberië verskuif is. Ook baie kunsskatte uit Moskou is hier in veiligheid gebring en tot die einde van die oorlog gestoor.
Stadsbeplanners het Nowosibirsk van breë strate en buitengewoon groot pleine voorsien. Die hoofstraat Krasni-prospekt is sowat 10 km lank. Hier is die grootste operahuis in Eurasië geleë met 'n oppervlakte van 65 000 m².
Susterstede
Minneapolis-St. Paul, VSA (1989)
Sapporo, Japan (1990)
Changchun, Volksrepubliek China (1994)
Daejeon, Suid-Korea (2001)
Warna, Bulgarye (2008)
Minsk, Wit-Rusland
Doncaster, Verenigde Koninkryk
.svg)
Verwysings
Eksterne skakels
- Wiki-webtuistes
- Wiki Afrikaans
Wiki Commons het meer media in die kategorie Nowosibirsk.
- Media
- Koerantberigte
This article uses material from the Wikipedia Afrikaans article Nowosibirsk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.