D Metroboin vo da Oblast Nowosibirsk in Westsibirien hod knapp 1,5 Mio. Eihwohna und vadankt d Grindung am Bau vo arana Bruck vo da Transsibirischn Eisenbahn iban Fluss Ob 1893. Heid gibts an Groußraum Nowosibirsk sechs Bruckan iban Ob, dea wos oft fast an ganzn Kilomeda broad is. Den Nam Nowosibirsk („Neis Sibirien“) hod d Stod seit 1926.
| Stadt Nowosibirsk
| ||||||
Eadkunde
D Stod ligt estle vom Uralgebirge am Sian vom Westsibirischn Diafland a da Zeitzone UTC+6 (3 Stundn voa da Moskauer Zeid (UTC+3)). Mim Bau vo da Eisenbahnbruck iban Ob hod da Aufstieg voram gloana Dorf zua Millionastod agfangd.
Am damolign Nowonikolajewsk is ois Symboi fian geographischn Middlpunkt vom Russischn Reich am Jea 1915 zwecks am 300-jahring Jubiläum vo da Romanow-Dynastie d Kabejn St. Nikolai baud woan. Heid is de a da Middn vom Zendrum vo Nowosibirsk stehade Kabejn a bsundane Sengswiadigkeit und a Woazeichn vo da Stod. Da geographische Middlpunkt vom heidign Russland ligt iaz oba z Krasnojarsk.
Sengswiadigkeitn
D Stod karan Haufa Zeigniss vom Sozialistischn Klassizismus fiaweisn, zum Beispui as Opernhaus, d riesige Lenin-Statue wo do aufm Voablotz aufgsteid is, as Rodhaus, as Lenin-Haus und fei mehra. Zu de Sengswiadigkeitn vo Nowosibirsk zäind aussadem a am Afang vom 20. Joahundat bauds repräsentativs Gebeide wia da Bahnhof am Zendrum vo da Stod, oana vo de gresstn vo seina Oat in Russland, d Kunstgalerie, as städtische Heimatmuseum, as Haus vo de Offiziere sowiara an Haufa Kiachan.
D Nowosibirska sengand a gloane Kabejn, de ois Zendrum vom Russischn Zarenreiche zeid hod, am Zendrum sowia de easchtn zwe Bruckan iban Ob ois wichtigste Sengswiadigkeit vo da Stod o. Wos se de Touristn a stoag aschaund hand d Alexander-Newski-Kathedraln sowia da grousse, weidleifige Zoo.
Buidung
Spoat
.jpg)
Da Eishockeyverein HK Sibir Nowosibirsk speid a da Kontinentaln Hockey-Liga.
In Nowosibirsk is da Fuaßboivarei FK Sibir Nowosibirsk dahoamd, dea wos d Stod seit 2010 a da Premjer Liga vadren duad.
Stodpartnaschoftn
Minneapolis, USA (1988)
Sapporo, Japan (1990)
Larnaka, Zypern (1993)
Daejeon, Südkorea (1995)
Mianyang, China (2000)
Warna, Bulgarien (2008)
Bolidik und Vawoidung
Nowosibirsk is auf zehn Stadtrajons aufteild, davo hand simme auf da rechtn Seitn vom Ob:
- Zentralny (, Stodzendrum)
- Schelesnodoroschny (, Bahnhofsviadl, westle vom Zendrum)
- Oktjabrski (, siadle vom Zendrum)
- Dserschinski (, estle des Zendrum)
- Kalininski (, neadle des Zendrum)
- Sajelzowski (, neadle des Zendrum)
- Perwomaiski (, Voastod siadle vom Stodgebiet)
Links vom Ob hand zwoa weidane Stodteile:
- Leninski (, neadlicha Teil mid am zwoatn Stodzendrum)
- Kirowski (, siadlicha Teil)
Beleg
Schau a o
– Sammlung vo Buidl, Videos und Audiodateien