Novosibirsk (en ruso: Новосибирск) é unha cidade rusa, capital administrativa do óblast de Novosibirsk.
É a terceira cidade máis poboada do país despois de Moscova e San Petersburgo, con 1.547.910 habitantes segundo o censo de 2014. A aglomeración urbana xa conta aproximadamente cuns 1.900.000 habitantes.
Foi fundada no 1893. O emperador Alexandre III de Rusia comezou a construción do ferrocarril Transiberiano. Considerouse que o ferrocarril cruzaría o río Obi preto da antiga cidade de Kolyvan, pero finalmente decidiuse que se construíse unha ponte na cidade de Krivoschokovo. Serían necesarios moitos homes para construír esta ponte, e iso deu paso ao crecemento do asentamento de Novonikoláyevsk, como antes se chamaba a cidade de Novosibirsk, polo que se converteu nos anos seguintes nunha das cidades máis grandes da parte asiática de Rusia.
Grazas ao intercambio e florecemento de novos negocios, a vila converteuse nunha gran cidade; Novonikolayevsk recibiu oficialmente o status de cidade en decembro de 1903.
A cidade conta cunha superficie duns 506,67 km² e divídese en 10 distritos administrativos.
A cidade conta co Aeroporto Internacional de Novosibirsk e un sistema do metro inaugurado no 1986, de dúas liñas. O emperador Alexandre III creou unha vía férrea que une a rexión de Siberia co resto do país; iso deu comezo á construción do ferrocarril Transiberiano.
A distancia desde Novosibirsk até Moscova é duns 3.191 quilómetros.
A Galipedia ten un portal sobre: Rusia |
Wiki Commons ten máis contidos multimedia na categoría: Novosibirsk |
Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |
This article uses material from the Wikipedia Galego article Novosibirsk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.