Fifa

Se oaganisiert vaschiedane Fuaßboibewerbe fia Mauna oba a fia Fraun. Zum Beispü de Wödmastaschoftn de olle via Joa stotfindn. De jetzige President is da Blatter Sepp.

Wia gsogt organiesert de FIFA a poa Wettbeweabe. Und zwoa:

• d Wödmastaschoft
• d Wödmastaschoft fia Fraun
• Wödmastaschoftn fia U-20 und U-17 Nationalmonschoftn (gibts fia Mauna und fia Fraun)
• en Konfödarationen-Pokal
• s Olümpische Fuaßboituania
• Klub-Wödmastaschoftn (de is im Gegnsotz zu olle ondan fia Fuaßboivareine und net fia Nationalmonschoftn)
• Biedsch-Sokka Wödmastaschoft
• Futsal-Wödmastaschoftn

Es gibt a a FIFA-Wödronglistn vo olle Nationalmonschoftn.

De FIFA is gründet worn vo siebn Gründungsmitgliedan om 21. Mei 1904 in Paris. S easchte große Fuaßboituania woa s Olümpische Fuaßboituania 1908 in London. 1930 woa in Uruguay donn de easchte Wödmastaschoft. Domois worn oba no net so vüle Monschoftn dabei wie jetzan.

 

De FIFA hot 208 Nationalvabende. De miassn oba a Mitglied in an vo de sechs Kontinentalvabende sein, damits bei da FIFA dabei sein kinna. Es gibt oba umgekeat a poa Nationalvabände de zwoa in irm Kontinentalvabond san, oba net bei da FIFA dabei san. De sechs Kontinentalvabende san:

• Asian Football Confederation (AFC)
• Confederation Africaine de football (CAF)
• Confederacion Sudamericana de Fútbol (CONMEBOL CSF)
• Confederation of North and Central American and Caribbean Association Football (CONCACAF)
• Oceania Football Confederation (OFC)
• Union of European Football Associations (UEFA)

De Nationalvabende de bei da FIFA dabei san kriagn vo ia a bissl a Göd, se miassn dafia oba a Vuaschriftn eihoidn und den Spuat a beweabn. Es Göd kummt vua ollem vo di Weabeeinnoman und de Feanseausstrolungslizenzn fia eanare Tuaniere.

Da President von da FIFA is seid 1998 da Sepp Blatter.

Bishearige Presidentn von da FIFA

Name	Lond	von	bis
Robert Guerin	FRA  Fraunkreich	1904	1906
Daniel Burley Woolfall	ENG  England	1906	1918
Jules Rimet	FRA  Frankreich	1921	1954
Rodolphe William Seeldrayers	BEL  Bejgien	1954	1955
Arthur Drewry	ENG  England	1955	1961
Stanley Rous	ENG  England	1961	1974
João Havelange	BRA  Brasilien	1974	1998
Joseph Blatter	SUI  Schweiz	1998	jez

Webseit vo da FIFA