Ostmiddlboarisch oda Ostmiddlbairisch (dt.: Ostmittelbairisch) nennd ma de boarischn Dialekt, de wos ma in Wean und in an Großteu vau Owa- und Niedaöstareich, im Noadn vom Buagnlaund, in da Owasteiamoak und in da Stod Soizburg redn duat.
Der Artikl is im Dialekt Ostmiddlboarisch gschriem worn. |
Stoak vaafocht kennt ma des Ostmiddlboarische min Östareichischn gleichsetzn, in da Praxis is des owa vü differenziata zum seng.
Des Zentrum vaum Ostmiddlboarischn is Wean, vau wo de Entwicklung ausgaungan is. Da Einfluss vaum Weanarischn mocht si owa inzwischn praktisch iwaroi im boarischn Sprochgebiet vo Östareich bemeakboa. Auf da aundan Seitn gibts aa im aissastn Ostn vo Östareich Leit, de wos beispüsweis stott "ans, zwa" "oans, zwoa" song. A exakte Gebietsaufteulung zwischn Ostmiddlboarisch und Westmiddlboarisch is desweng in Östareich praktisch ned meglich. Natialich gibts vaschiedane Schwaapunkt. In Wean heat ma praktisch ka Westmiddlboarisch, obwoi's davau no Restln gibt (z. B. 'Haisal am Roa' bzw. 'Häuserl am Roan'), in Westobaöstareich und im Soizburga Laund heat ma nua gaunz wenig Ostmiddlboarisch.
Isoglosse | Westmiddlboarisch | Ostmiddlboarisch |
---|---|---|
ui vs. ü (< ahd. il): | vui | vü |
Spui, Spuin | Spü, Spün | |
i wui, mia woin | i wü, mia woin | |
ej vs. ö (< ahd. el): | Fejd, Gejd, schnej, stejn ( | Föd, Göd, schnö, stöün |
o/or/oar vs. oa (< ahd. ar): | i for, mia forma | i foa, mia foan |
hort, heata | hoat, heata | |
o vs. au (< ahd. au): | i kaf, mia kaffa(n) | i kauf, mia kauffn |
on vs. aun (< ahd. an): | Lond | Laund |
ungsetzmäßi: | i kimm, mia kemma(n) | i kumm, mia kumman |
This article uses material from the Wikipedia Boarisch article Ostmiddlboarisch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.