A Reindl oda Rein is a flochs rechteckads oda runds Kochgschia mit zwoa Hengln.
A Reindl is a Mittlding zwischn Pfandl und Hafal, es is weniga hoch ois wia broad.
A Reindl braucht ma zan Brodn und Bocha, beispuisweis fian Schweinsbrodn, fian Ganslbrodn, fian Opfestrudl oda fiad Rohrnudln. De Karntna Mejspeis Reindling hod ian Nama vom Reindl, wo s drin aussabocha wead.
Im broadan Sinn wead Reindl oba aa ois Synonym fia Pfandl und Hafal vawendd, im engan Sinn is damit nua s rechteckade Kochgschirr gmoant. Da Schmeller schreibt iba de Rein: "die alte bezeichnung lebt noch mundartlich, vorwiegend in Oberdeutschland, wo sie von einem flachen küchentiegel von blech oder thon oder von einer flachen milchschüssel gebraucht wird."
An Reindlhoarschnitt nennt ma a Frisua, wen de Hoar gleichlang ohne Façon gschnittn san (wias friaa de Angela Merkel ghobt hod). Beispuisotz: "Homs da bein Hoarschneida a Reindl aufgsetzt?"
This article uses material from the Wikipedia Boarisch article Reindl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.