Insbesondere aus da Geometrie aiso da Konstruktion vo Figuan und am Rechna mid natialiche Zoin gehd de heidige Mathematik fiara.
Ob jetz de Mathematik za de Geisteswissnschoftn oder za de Natuawissnschoftn khead is umstrittn. Se hod oanaseits scho Ibaschneidunga mid da Philosophie (bsondas Logik), außadem bschreibts de Natua hechstns ganz abstrakt. Andaraseits iss Grundlog fia olle andan Naturwissenschoftn. A Indiz is aa, dass s in da Universität imma bei de Naturwissnschaftn ogsiedld is.
Wichtige Teibereiche vo da Mathematik, de wo si natialich stoark ibaschnein, han:
- Algebra, bei dea ma im grunde (geschichtlich) vasuachd hod, Polynome (vor allem vom Grad >4) aufzumlösen
- Geometrie, wia ohm gschriebn
- Analysis, bschäftigt si voa oim mid reelle und komplexe Funktiona
- Stochastik, oiso am Rechna mid Woarscheinlichkeiten
- Logik untasuachd Foigerunga und ibaschneidt si mid da Informatik
- Kryptographie verschlissln vo Texdt, dass se koana mehr vasteaht. Keart a teiweis zua Informatik
Mathematika ausm boarischn Sprochraum
Friara hod ma no ned a so streng unterschiedn, drum kannt ma manche vo dera Listn a ois Physika, Astronomen oda ois Philosophn bezeichna.
- Adam Ries (1492-1559)
- Philipp Apian (1531-1589)
- Johannes Kepler (1571-1630)
- Otto Hesse (1811-1874)
- Josef Stefan (1835-1893)
- Ludwig Boltzmann (1844-1906)
- Felix Klein (1849-1925)
- Walter von Dyck (1856-1934)
- Wilhelm Wirtinger (1865-1945)
- Erwin Schrödinger (1887-1961)
- Ludwig Johann Josef Wittgenstein (1889-1951)
- Robert Sauer (1898-1970)
- Otto Neugebauer (1899-1990)
- Bruno de Finetti (1906-1985)