Buigarien (dt.: Bulgarien, buigarisch: : България, ) is a Republik in Sidosteiropa, de on: Griachaland, Mazedonien, Rumänien, Serbien und on de Tiakei grenzd.
Buigarien woa long a Zarnreich, des wo se militärisch mid'm Byzantinischn Reich messn hod kenna. Mid'm Niedagong vo Byzanz is aa Buigarien a Tei vom Reich vo de Osmanen worn. Buigarien hod se mid russischa Huif vom Osmanischn Reich om 3. Meaz 1878 fia unobhängig eaklead, oeakonnd worn is des om 22. Septemba 1908. Im Easchtn und Zwoatn Wejdkriag hod's Land af da Seitn vo de Middl- bzw. Axnmächt kämpfd. Noch'm End vom Zwoatn Wejdkriag is Buigarien unta sowjetischn Eihfluss kemma und is Tei vom Warschaua Pakt worn. Des End vo da kommunistischn Ära is 1990 duach freie Woihn eihgleidd worn. Seitdem san politische und wiatschoftliche Refoamen gmochd worn. Buigarien is seit 1. Jenna 2007 Midglied vo da Eiropäischn Union.
Schtruktua
Buigarien is a Zentroistoot, dea in 28 Vawoitungsbeziak (Област) gliedad is.
Eihwohna
Uma 88 Prozent vo de Eihwohna ghean da buigarisch-orthodoxn Kiach o, uma 10 Prozent san Moslems. Ethnisch san uma 85 Prozent vo de Eihwohna Buigarn, uma 10 Prozent Tiakn (Voikszejung 1992: 822.000), uma 3-4 Prozent san Roma (Voikszejung 1992: 288.000) und buigarische Moslems, de Pomakn (Voikszejung 1992: 65.500). In de Städt lem 65 Prozent. Es gibd a Landflucht und negative Woxtumsrotn.
This article uses material from the Wikipedia Boarisch article Buigarien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.
– Sammlung vo Buidl, Videos und Audiodateien
