Fort Beaufort
Fort Beaufort (Xhosa: iBhofolo), amptelik hernoem na KwaMaqoma in Maart 2023, is een van die oudste dorpe aan die vroeëre Oosgrens in die Oos-Kaap, Suid-Afrika.
Die dorp lê aan die voet van die Winterberg en op die oewer van die Katrivier.
Fort Beaufort Bofolo | |
|---|---|
 Die Martellotoring in Fort Beaufort | |
  Fort Beaufort Fort Beaufort se ligging in Oos-Kaap | |
| Koördinate: 32°47′S 26°38′O / 32.783°S 26.633°O 26°38′O / 32.783°S 26.633°O | |
| Land |  Suid-Afrika |
| Provinsie | Oos-Kaap |
| Distrik | Amathole |
| Munisipaliteit | Raymond Mhlaba |
| Stigting | 1840 |
| Oppervlak | |
| • Totaal | 82,81 km2 (31,97 vk. myl) |
| Hoogte | 444 m (1 457 ft) |
| Bevolking (2011) | |
| • Totaal | 25 668 |
| • Digtheid | 310/km2 (800/vk. myl) |
| Rasverdeling (2011) | |
| • Wit mense | 2.6% |
| • Indiërs/Asiërs | 0.4% |
| • Bruin mense | 12.9% |
| • Swart mense | 83.6% |
| • Ander | 0.5% |
| Taal (2011) | |
| • Xhosa | 76.9% |
| • Afrikaans | 15.4% |
| • Engels | 4.7% |
| • Ander | 3.0% |
| Poskode (strate) | 5720 |
| Poskode (posbusse) | 5720 |
| Skakelkode | 046 |
Geskiedenis
In 1822 is hier 'n blokhuis opgerig as vestiging vir Engelse troepe – onder bevel van lt.kol H Maurice – wat toesig moes hou oor vyandige Xhosa-krygers in die vrugbare Katriviervallei. Dit het 'n dorp geword teen 1840 en 'n militêre fokuspunt in die Grensoorloë. Tydens die Agtste Grensoorlog, op 7 Januarie 1851, is die fort suksesvol verdedig teen 'n groot Xhosa-leërmag. Die dorp is vernoem na die hertog van Beaufort, vader van die Goewerneur, lord Charles Somerset.
Alhoewel dit reeds sedert 1840 'n dorp is, is die NG gemeente Fort Beaufort hier eers in 1949 afgestig van Alice, 'n gemeente wat weens demografiese veranderings en die Nasionale Party-regering se beleid van apartheid nie meer bestaan nie.
Die eerste pad na Fort Beaufort vanaf Grahamstad, via die Eccapas, is deur Andrew Geddes Bain gebou.
Gesondheidsorg
Fort Beaufort het drie staatshospitale, naamlik Fort Beaufort Provinsiale Hospitaal (en) , Tower Psigiatriese Hospitaal (en) en Winterberg TB-hospitaal. Daar is ook 7 primêre gesondheidsorgklinieke in die area, naamlik C.C. Lloyd (in die dorp), Newtown, Hillside, Thozamile, Lulama Kama, Healdtown en Mxelo.
Distrik
Die distrik is 1 280 km2 groot. Die belangrikste produkte is beesvleis, merinowol en sitrusvrugte.
Galery
-
Victoriabrug - hoeksteen gelê in 1840 en voltooi in 1844 -
Martellotoring - voltooi in 1846 -
Militêre museum
Naburige dorpe
| Komani Balfour | ||
| Bedford en Adelaide |  | Alice |
| Grahamstad | King William's Town |
Sien ook
Bron
- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
Verwysings
This article uses material from the Wikipedia Afrikaans article Fort Beaufort, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.