Suid-Afrika Adelaide
Adelaide is 'n dorp in die Oos-Kaap en gewese setel van die tans-ontbinde Nxuba Munisipaliteit.
Adelaide lê aan die suidelike voet van die Winterberge op die oewer van die Koonaprivier, 22 km oos van Bedford en 37 km wes van Fort Beaufort.
Adelaide | |
|---|---|
  Adelaide Adelaide se ligging in Oos-Kaap | |
| Koördinate: 32°42′28″S 26°17′44″O / 32.70778°S 26.29556°O 26°17′44″O / 32.70778°S 26.29556°O | |
| Land |  Suid-Afrika |
| Provinsie | Oos-Kaap |
| Distrik | Amathole |
| Munisipaliteit | Raymond Mhlaba |
| Stigting | 1834 |
| Oppervlak | |
| • Totaal | 40,0 km2 (15,4 vk. myl) |
| Hoogte | 600 m (2 000 ft) |
| Bevolking (2011) | |
| • Totaal | 12 191 |
| • Digtheid | 305/km2 (790/vk. myl) |
| Rasverdeling (2011) | |
| • Wit mense | 3.5% |
| • Indiërs/Asiërs | 0.5% |
| • Bruin mense | 18.8% |
| • Swart mense | 76.5% |
| • Ander | 0.8% |
| Taal (2011) | |
| • Xhosa | 72.3% |
| • Afrikaans | 22.6% |
| • Engels | 3.0% |
| • Ander | 2.1% |
| Poskode (strate) | 5760 |
| Poskode (posbusse) | 5760 |
| Skakelkode | 046 |
Geskiedenis
Dit was oorspronklik 'n militêre pos wat genoem is na koningin Adelaide, die eggenote van die Britse koning William IV. Die dorp is in 1834 gestig, maar die gemeente van die NG Kerk het eers in 1890 afgestig van die moedergemeente Glen Lynden. Die Ons Erfenis-museum dateer uit die jaar 1855 en huisves meubilering, tradisionele kleredrag en ander voorwerpe uit die 19de eeu. Die museum is in Queenstraat geleë en het pragtige groot tuine in 'n parklandskap wat tot teen die rivier strek.
Plekke van belang
- Adelaide Provinsiale Hospitaal
- Adelaide Gimnasium (Hoërskool)
- Adelaide Gholfklub
- Lingelethu (voorheen Swartwoonbuurt)
- Bezuidenhoutville (voorheen Kleurlingwoonbuurt)
Distrik
Die distrik is 1 500 km2 groot. Adelaide is 'n belangrike sentrum van die skaapteelt. Bees-, wildsvleis en sitrusvrugte is ook belangrike produkte.
Drie riviere vloei rondom die dorp: die Koonap-, Cowie- en Kaalhoekriviere.
Bekende boorlinge
- Ds. Berning Malan, NG predikant en skrywer.
Sien ook
Bronne
- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
Eksterne skakels
This article uses material from the Wikipedia Afrikaans article Adelaide (Suid-Afrika), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.