Dinoflagellate
Dinoflagellate is 'n (infra)filum van eensellige eukariote.
Hulle verteenwoordig 'n groot deel van die plankton se biomassa.
| Dinoflagellata | |
|---|---|
 | |
| Prorocentrum lima | |
| Wetenskaplike klassifikasie | |
| Domein: | |
| Koninkryk: | Chromista |
| Subkoninkryk: | Harosa |
| Filum: | Myzozoa |
| Infrafilum: | Dinoflagellata |
| Klasse | |
| |
Dinoflagellate kan fotosinteties or heterotroof wees, en sommige kan albei wees. Sommige soos die soöxantella is simbioties, maar daar is ook parasitêre spesies. Ongeveer 15-20% van die huidige spesies kan siste vorm tydens die seksuele fase van hulle lewensiklus of in hulle dormante tydperk. Hierdie siste besit groot weerstand teen aantasting en word dikwels in neerslae of afsettingsgesteentes aangetref. Dit is 'n belangrike onderwerp van die palinologie en is in gesteentes sedert die trias sowat 250 miljoen jaar geleë bekend. Die siste se wande bestaan gewoonlik uit organiese materiaal soos die biomakromolekuul dinosporien wat kenmerkend vir dinoflagellate is, maar soms is dit ook uit kalk of kiesel opgebou. Die morfologie van die siste is baie nuttig vir die navorsig van die omgewingsomstandighede waaronder die sediment ontstaan het.
Die sel se kern verskil baie van ander eukariote s'n en word daarom dikwels die dinokarion genoem. Dinokaria het geen nukleosome nie en die kern bevat baie meer DNS as die meeste eukariotiese selkerne, selfs die mens s'n. Dinoflagellate kan eensellige organismes met twee flagellae (swepies) wees, maar daar is ook plasmodia wat meer as een selkern besit en in een groep vorm hulle groepe selle wat soos meersellige organismes lyk.
Daar is sowat 4 500 spesies in 550 genera beskrewe, maar amper driekwart van die genera en meer as die helfte van die spesies is net as fossiele bekend. Van die amper 2 000 huidige spesies is 1 700 seebewoners en ongeveer 220 leef in vars water. Hierdie getalle groei nogtans steeds omdat dikwels nuwe spesies gevind word.
Plae
Van die dinoflagellate is berug omdat hulle rooigetye veroorsaak wat die dood van baie vis kan beteken. Van die fitoplankton wat toksiene vrystel, is 75-80% dinoflagellate.
Verwysings
 | Hierdie artikel omtrent 'n Biologieverwante onderwerp is slegs 'n saadjie. Jy kan Wikipedia help deur dit uit te brei. |
This article uses material from the Wikipedia Afrikaans article Dinoflagellate, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.