Bethlehem is die grootste dorp in die Oos-Vrystaat in Suid-Afrika.
Die streek word hoofsaaklik deur landbouverbouing gekenmerk.
Bethlehem | |
---|---|
Koördinate: 28°14′0″S 28°18′0″O / 28.23333°S 28.30000°O 28°18′0″O / 28.23333°S 28.30000°O | |
Land | Suid-Afrika |
Provinsie | Vrystaat |
Distrik | Thabo Mofutsanyana |
Munisipaliteit | Dihlabeng |
Stigting | 1859 |
Oppervlak | |
• Totaal | 37,1 km2 (14,3 vk. myl) |
Hoogte | 1 687 m (5 535 ft) |
Bevolking (2011) | |
• Totaal | 76 667 |
• Digtheid | 2 066/km2 (5 350/vk. myl) |
Rasverdeling (2011) | |
• Wit mense | 12.0% |
• Indiërs/Asiërs | 0.6% |
• Bruin mense | 2.1% |
• Swart mense | 85.2% |
• Ander | 0.2% |
Taal (2011) | |
• Sotho | 72.2% |
• Afrikaans | 14.5% |
• Zoeloe | 7.0% |
• Engels | 2.4% |
• Ander | 3.9% |
Poskode (strate) | 9700 |
Poskode (posbusse) | 9700 |
Skakelkode | 058 |
Die dorp is in 1860 op die plaas Pretoriuskloof van ene J.C. Pretorius gestig, maar eers in 1884 geproklameer en munisipale status het eers in 1902 gevolg. Die naam is deur F.P. Naude, 'n plaaslike kerkleier gegee. Die naam Bethlehem beteken eintlik “broodhuis” of “beit lechem” in Hebreeus. Dit is 'n verwysing na die aard van landboubedrywighede in die area. Bethlehem is veral bekend vir graanverbouing en meer spesifiek koring.
Naby dié dorp is drie groot damme wat Bethlehem se inwoners van water voorsien. Dit is naamlik die Loch Athlonedam (bekend vir sy restaurant wat in die vorm van 'n skip, die Athlone Castle, gebou is), die Gerrandsdam en die Sol Plaatjedam. Laasgenoemde was eers bekend as die Saulspoortdam, maar die naam is terstond verander na 'n bus gelaai met COSATU-geaffilieerde vakbondwerkers, wat vanaf Kimberley na QwaQwa onderweg was om 'n Meidag viering by te woon, teen 'n spoed in die dam ingejaag het in Mei 2003. Dosyne passasiers is dood in die grootste busramp in die land se geskiedenis.
Die dorp word gekenmerk deur sandsteengeboue wat in die middedorp voorkom. Sandsteen is vroeër gebruik as boumateriaal aangesien dit volop in die berge en koppies in die gebied voorkom.
Die N5 nasionale pad gaan deur Bethlehem.
Die professionale sokkerspan Free State Stars, wat aan die Premier Sokkerliga deelneem, se tuisstadion is in Bethlehem. John van Reenen, voormalige wêreldrekordhouer in skyfwerp is hier gebore.
This article uses material from the Wikipedia Afrikaans article Bethlehem, Vrystaat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.