Skip Admiraal Makarof: Fregat van die Admiraal Grigorovich-klas van die Russiese vloot

Admiraal Makarof in 2018
Loopbaan
Bestel:
Neergelê:	19 Februarie 2012
Tewaterlating:	2 September 2015
Indiensstelling:	27 Desember 2017
Lot:	Aktief
Algemene Eienskappe
Verplasing:	3 620 t
Lengte:	124,8 m (409 ft 5 in)
Breedte:	15.2 m
Diepgang:	4.2 m
Aandrywing:	2 skag COGOG, 2 DS-71 vaart gasturbines 8 450 shp (6 300 kW); 2 DT-59 versnel gasturbines 22 000 shp (16 000 kW) ; Totaal: 60 900 shp (45 400 kW)
Spoed:	30 knope
Reikafstand:	4,850 nmi (8,982 km; 5,581 mi) teen 14 kn (26 km/h; 16 mph)
Bemanning:	200
Bewapening:	1 × 100 mm A-190 Arsenal vlootkannon 8 (2 × 4) UKSK Vertikale lanseerstelsels vir 3M-54 Kalibr, P-800 Oniks of Zircon anti-skip kruisermissiele 24 (2 × 12) Buk missielstelsel #3S90M, of vir uitvoer "Shtil-1" 3S90M VLS selle vir 9M317M grond-tot-lug-missiele 2 × AK-630 CIWS 8 × Igla-S of 9K333 Verba 2 × dubbele 533 mm torpedobuise 1 × RBU-6000 vuurpyllanseerder

Sy is in Februarie 2012 by die Yantar-skeepswerf neergelê en op 25 Desember 2017 in gebruik geneem. Sy is die mees onlangsgeboude van haar klas, en die derde van ses beplande skepe in die klas.

 

In Julie 2018 het die fregat aan Rusland se hoofvlootparade in Sint Petersburg deelgeneem.

Op 18 Augustus 2018 het Admiraal Makarof vanaf die Oossee na die Swartsee gevaar en op 21 Augustus deur die Engelse Kanaal gevaar. Sy is op 18 Augustus tydens haar nooiensvaart deur die HMS Queen Elizabeth in die Engelse Kanaal opgemerk. Admiraal Makarof het vroeg in Oktober by haar permanente basis in Sevastopol aangekom.

Op 5 November 2018 het die mediadiens van die Russiese Vloot se Swartseevloot aangekondig dat die fregat Sevastopol verlaat het om by die Russiese vlootgroep in die oostelike Middellandse See aan te sluit.

In 2022 het Admiraal Makarof – saam met Admiraal Grigorovich en Admiraal Essen – deelgeneem aan die 2022 Russiese inval in die Oekraïne, wat 'n Oekraïense olieraffinadery en brandstofdepots in die voorstede van Odesa geteiken het met kruisermissiele wat vanaf die skepe afgevuur is.

Op 6 Mei 2022 het die Oekraïense LP Oleksiy Honcharenko op Telegram-kitsboodskapprogram berig dat Admiraal Makarof getref en erg beskadig is deur 'n Oekraïense R-360 Neptune-teenskip-kruisermissiel terwyl dit naby Zmijini-eiland (Slangeiland) gestasioneer was. Die verslae het gesê die skip is aan die brand in die Swartsee. Dumskaya, 'n Oekraïens-staatnuuswebwerf, het gesê Russiese magte het helikopters gestuur om die bemanning van die skip te red. Nie-Russiese of Westerse militêre magte het die feit egter nie amptelik bevestig nie.

Op 7 Mei het 'n adviseur van die Kantoor van die President van Oekraïne, Oleksiy Arestovych, gesê dat die verslag 'n 'misverstand' was, en dat die vaartuig wat naby Zmijini-eiland aangeval is eintlik 'n Serna-klas landingstuig was, blykbaar getref deur 'n missiel wat gelanseer is deur 'n Baykar Bayraktar TB2 hommeltuig.

Daar was onbevestigde berigte dat die Admiraal Makarov beskadig is tydens 'n aanval op Sewastopol deur verskeie lug- en seehommeltuie op 29 Oktober 2022. Die Russiese nuusagentskap TASS het berig dat al die lug hommeltuie vernietig is.