அலெக்சாந்திரியாவின் ஹீரோன்

10 – கி.பி 70 ), என்பவர் ஒரு கிரேக்க கணிதவியலாளர் மற்றும் பொறியாளர் ஆவார். இவர் தனது சொந்த ஊரான உரோமானிய எகிப்தின் அலெக்சாந்திரியாவில் செயல்பட்டுக் கொண்டிருந்தார். பெரும்பாலும் இவர் பழங்காலத்தின் மிகப் பெரிய ஆய்வாளராகக் கருதப்படுகிறார். மேலும் இவரது பணி எலனியக் காலத்தின் அறிவியல் பாரம்பரியத்தின் பகுதியாக உள்ளது.

அலெக்சாந்திரியாவின் ஹீரோன்
ஹீரோவின் 17 ஆம் நூற்றாண்டின் ஜெர்மன் சித்தரிப்பு
இயற்பெயர்	Ἥρων
பிறப்பு	அண். 10 கி.பி
இறப்பு	அண். 70 கி.பி (ஏறக்குறைய 60 வயது)
குடியுரிமை	அலெக்சாந்திரியா, எகிப்து (ரோமானிய மாகாணம்)
துறை	கணிதம் இயற்பியல் காற்றுழுத்தியங்கு மற்றும் நீராற்றலால் பொறியியல்
அறியப்படுவது	ஆவிவேக மானி ஈரோனின் நீருற்று ஈரோனின் வாய்பாடு தானியங்கி விற்பனை இயந்திரம்

ஆவிவேக மானி (சில நேரங்களில் "ஹீரோ என்ஜின்" என அழைக்கப்படுவது) எனப்படும் நீராவிப் பொறி குறித்த நல்ல விளக்கத்தை ஹீரோ வெளியிட்டது, இவரது மிகவும் பிரபலமான கண்டுபிடிப்புகளில் ஒன்றாக காற்று சக்கரம் இருந்தது. இது நிலத்தில் காற்றின் திறனை பயன்படுத்துவதற்கான ஆரம்ப நிகழ்வாகும். இவர் அணு இயக்கக்கோட்பாட்டைப் பின்பற்றுபவர் என்று கூறப்படுகிறது. இவரது படைப்பான மெக்கானிக்ஸில், இவர் இணைகரப் பெருக்கிகளை விவரித்தார். அவருடைய சில கருத்துக்கள் சிடியசைபியசின் படைப்புகளிலிருந்து பெறப்பட்டவை.

கணிதத்தில் இவர் பெரும்பாலும் ஈரோனின் வாய்பாடுக்காக நினைவுகூரப்படுகிறார். அது ஒரு முக்கோணத்தின் பரப்பளவை அதன் பக்கங்களின் நீளத்தை மட்டும் பயன்படுத்தி கணக்கிடும் ஒரு வழியாகும்.

ஹீரோவின் அசல் எழுத்துக்கள் மற்றும் வடிவமைப்புகளில் பெரும்பாலானவை மறைந்துவிட்டன. ஆனால் இவரது சில படைப்புகள் கிழக்கு ரோமானியப் பேரரசின் கையெழுத்துப் பிரதிகளிலும், குறைந்த அளவிற்கு லத்தீன் அல்லது அரபு மொழிபெயர்ப்பிலும் பாதுகாக்கப்பட்டுள்ளன.

ஹீரோவின் இனம் கிரேக்கம் அல்லது ஹெலனிஸ்டு எகிப்தியராக இருக்கலாம். அலெக்சாந்திரியாவின் புகழ்பெற்ற நூலகத்தை உள்ளடக்கிய அருங்காட்சியகத்தில் ஹீரோ கற்பித்தார் என்பது கிட்டத்தட்ட உறுதியாகிவிட்டது. ஏனெனில் இவரது பெரும்பாலான எழுத்துக்கள் கணிதம், விசையியல், இயற்பியல், காற்றழுத்தவியல் படிப்புகளுக்கான விரிவுரைக் குறிப்புகளாகத் தோன்றுகின்றன. இருபதாம் நூற்றாண்டு வரை இந்தத் துறை முறைப்படுத்தப்படவில்லை என்றாலும், ஹீரோவின் பணி, குறிப்பாக அவரது தானியங்கி சாதனங்கள், நுண்கணியியல் பற்றிய முதல் முறையான ஆராய்ச்சிகளில் சிலவற்றைப் பிரதிநிதித்துவப்படுத்தியதாக கருதப்படுகிறது.