சன்ரைசர்ஸ் ஐதராபாத்

அணியின் தலைவராக சோஃப்த் ஆப்ரிக்கா நாட்டின் எய்டன் மார்க்ரம் மற்றும் அணியின் பயிற்றுவிப்பாளராக பிரைன் லாரா ஆகியோர் செயல்படுகின்றனர்.

சன்ரைசர்ஸ் ஐதராபாத்

விளையாட்டுப் பெயர்(கள்)	ஆரஞ்சு ஆர்மி
தனிப்பட்ட தகவல்கள்
தலைவர்	எய்டன் மார்க்ரம்
பயிற்றுநர்	டிரெவர் பெய்லிஸ்
உரிமையாளர்	சன் டிவி நெட்வொர்க்
அணித் தகவல்
நகரம்	ஐதராபாத், தெலுங்கானா, இந்தியா
நிறங்கள்
உருவாக்கம்	2012; 12 ஆண்டுகளுக்கு முன்னர் (2012)
உள்ளக அரங்கம்	ராஜீவ் காந்தி பன்னாட்டுத் துடுப்பாட்ட அரங்கம், ஐதராபாத்
கொள்ளளவு	55,000
வரலாறு
இந்தியன் பிரீமியர் லீக் வெற்றிகள்	1 (2016)
அதிகாரபூர்வ இணையதளம்:	www.sunrisershyderabad.in
இ20ப

சன்ரைசர்ஸ் ஹைதராபாத் அணி டெக்கான் சார்ஜர்ஸ் அணிக்கு மாற்றாக 25 அக்டோபர் 2012 முதல் இந்திய கிரிக்கெட் வாரியத்தால் நியமிக்கப்பட்டது. பழைய டெக்கான் சார்ஜர்ஸ் அணியின் வீரர்கள், சன்ரைசர்ஸ் ஹைதராபாத் அணிக்காக விளையாடினர். 2016 ஆம் ஆண்டு இவ்வணி இறுதிப்போட்டியில் வென்று வாகை சூடியது. கலாநிதி மாறனின் மகள் காவ்யா மாறன் சன்ரைசர்ஸ் ஹைதராபாத் அணியின் உரிமையாளராக உள்ளார்.

2016–2020: முதல் பட்டம் மற்றும் தொடர்ச்சியான பிளேஆஃப் தகுதி

2016 சீசனுக்காக, ஐதராபாத் அணி 15 வீரர்களைத் தக்கவைத்து, ஒன்பது வீரர்களை விடுவித்தது. ஏலத்திற்குப் பிறகு, இரண்டு வீரர்களை வர்த்தகம் செய்தது. சன்ரைசர்ஸ் ஹைதராபாத் அணி 2016 ஐபிஎல் இறுதிப்போட்டியில் ராயல் சேலஞ்சர்ஸ் பெங்களூரு அணியை தோற்கடித்து பட்டம் வென்றது. இது அவர்களின் முதல் மற்றும் தற்போதுவரை உள்ள ஒரே பட்டமாகும். இப்பருவத்தில் அதிக இலக்குகளை வீழ்த்தியவருக்கு வழங்கப்படும் பர்பிள் கேப்பை வென்ற முதல் சன்ரைசர்ஸ் ஹைதராபாத் வீரர் என்ற பெருமையை புவனேஷ்வர் குமார் பெற்றார்.

2017 சீசனுக்காக, சன்ரைசர்ஸ் அணி 17 வீரர்களைத் தக்க வைத்துக் கொண்டது, மேலும் 2016இல் சாம்பியன் பட்டம் வென்ற அணியில் இருந்து ஆறு பேரை விடுவித்தது. குழுநிலைச் சுற்று முடிவில் புள்ளிப்பட்டியலில் 3வது இடத்தைப் பிடித்தது. பெங்களூரு எம்.சின்னசாமி ஸ்டேடியத்தில் நடந்த வெளியேற்றுதல் போட்டியில் கொல்கத்தா நைட் ரைடர்ஸ் அணிக்கு எதிராக தோல்வியடைந்தது. அந்த அணி 20 ஓவர்களில் 128-7 ரன்களுக்கு குறைவான ரன்களை எடுத்தது, ஆனால் கொல்கத்தா நைட் ரைடர்ஸ் இன்னிங்ஸ் மழை காரணமாக வெறும் 6 ஓவர்களாகக் குறைக்கப்பட்டது. திருத்தப்பட்ட ஓட்ட இலக்கு 48 ஆக இருந்தது, நைட் ரைடர்ஸ் ஏழு விக்கெட்டுகள் வித்தியாசத்தில் வென்றது. புவனேஷ்வர் குமார் ஊதா நிற தொப்பியை தக்கவைத்துக் கொண்டார். டேவிட் வார்னர் அதிக ஓட்டங்களை எடுத்த வீரருக்கு வழங்கப்படும் ஆரஞ்சு நிற தொப்பியை வென்றார்.

2018 சீசனில், சென்னை சூப்பர் கிங்ஸ் மற்றும் ராஜஸ்தான் ராயல்ஸ் அணிகள் 2013 ஐபிஎல் சூதாட்ட ஊழலில் தங்கள் வீரர்களின் தொடர்பு காரணமாக போட்டியில் இருந்து இரண்டு ஆண்டுகள் இடைநீக்கம் செய்யப்பட்ட பின்னர் போட்டித் தொடரில் மீண்டும் சேர்க்கப்பட்டன. ஒவ்வொரு ஐபிஎல் அணியும் அதிகபட்சமாக ஐந்து வீரர்களைத் தக்கவைத்துக் கொள்ளலாம் என ஐபிஎல் நிர்வாகக் குழு முடிவு செய்தது. சன்ரைசர்ஸ் ஐதராபாத் அணி இரண்டு வீரர்களை மட்டும் தக்க வைத்துக் கொண்டது மற்றும் மீதமுள்ள அனைத்து வீரர்களையும் அணியில் இருந்து விடுவித்தது. ஏலத்தில் தங்கராசு நடராசன், சந்தீப் ஷர்மா, மனீஷ் பாண்டே உள்ளிட்ட வீரர்களை வாங்கியது. டேவிட் வார்னர் 28 மார்ச் 2018 அன்று கேப்டன் பதவியில் இருந்து விலகினார், மேலும் ஆஸ்திரேலிய அணியில் பந்தை சேதப்படுத்திய சர்ச்சையைத் தொடர்ந்து அவர் ஐபிஎல் 2018இல் டேவிட் வார்னர் விளையாட அனுமதிக்கப்பட மாட்டார் என்று பிசிசிஐ அறிவித்தது. மார்ச் 29 அன்று, நியூசிலாந்து கேப்டன் கேன் வில்லியம்சன் 2018 சீசனுக்கான சன்ரைசர்ஸ் ஐதராபாத் அணியை வழிநடத்த தேர்வு செய்யப்பட்டார். மார்ச் 31 அன்று, தடை செய்யப்பட்ட டேவிட் வார்னருக்கு மாற்றாக இங்கிலாந்து பேட்ஸ்மேன் அலெக்ஸ் ஹேல்ஸ் அறிவிக்கப்பட்டார். SRH 2018 சீசனை இறுதிப் போட்டியில் சென்னை சூப்பர் கிங்ஸிடம் தோல்வியுற்றது. வில்லியம்சன் 735 ரன்களுடன் ஆரஞ்சு நிற தொப்பியை வென்றார்.

2019 சீசனுக்கு முன்னதாக, ஷாபாஸ் நதீம், விஜய் சங்கர் மற்றும் அபிஷேக் ஷர்மா ஆகியோரை பெறும் நோக்கில் ஷிகர் தவானை டெல்லி கேப்பிட்டல்ஸுக்கு சன்ரைசர்ஸ் அணி வர்த்தகம் செய்தது. சன்ரைசர்ஸ் அணி 17 வீரர்களைத் தக்கவைத்து ஒன்பது வீரர்களை விடுவித்தது. ஏல நாளில் (18 டிசம்பர் 2018), சன்ரைசர்ஸ் அணி மூன்று புதிய வீரர்களை வாங்கியது; மேலும் ஜானி பேர்ஸ்டோவ், மார்ட்டின் கப்டில் மற்றும் விருத்திமான் சாஹா ஆகியோர் முதலில் விடுவிக்கப்பட்ட பின்னர் ஏலத்தில் திரும்பவும் வாங்கப்பட்டனர். பந்தை சேதப்படுத்திய சர்ச்சையின் காரணமாக 2018 பருவத்தில் பங்கேற்க பிசிசிஐயால் தடை செய்யப்பட்ட டேவிட் வார்னர் 24 மார்ச் 2019 அன்று ஐபிஎல்-க்கு மீண்டும் திரும்பினார். கேன் வில்லியம்சன் கேப்டனாகவும், புவனேஷ்வர் குமார் துணை கேப்டனாகவும் செயல்பட அணி நிர்வாகம் முடிவு செய்தது. சீசன் தொடங்குவதற்கு முன், வில்லியம்சன் காயத்தால் பாதிக்கப்பட்டிருந்தார், எனவே கொல்கத்தா நைட் ரைடர்ஸுக்கு எதிரான முதல் ஆட்டத்திலும் மூன்றாவது ஆட்டத்தில் இருந்து ஆறாவது ஆட்டம் வரையிலும் புவனேஷ்வர் குமார் அணியை வழிநடத்தினார். SRH 2019 சீசனை 6 வெற்றிகள் மற்றும் 9 தோல்விகளுடன் இப்பருவத்தை முடித்தது. விசாகப்பட்டினத்தில் உள்ள டாக்டர் ஒய். எஸ். ராஜசேகர ரெட்டி ஏசிஏ-விடிசிஏ கிரிக்கெட் ஸ்டேடியத்தில் நடந்த வெளியேற்றுதல் போட்டியில் டெல்லி கேப்பிடல்ஸுக்கு எதிராக தோல்வியடைந்தனர். டேவிட் வார்னர் ஆரஞ்சு நிற தொப்பியை வென்றார்.

2020 ஏலத்திற்கு முன்னதாக, சன்ரைசர்ஸ் 18 வீரர்களைத் தக்க வைத்துக் கொண்டது மற்றும் 5 வீரர்களை விடுவித்தது. ஏல நாளில் (19 டிசம்பர் 2019), தங்கராசு நடராசன், மிட்செல் மார்ஷ் மற்றும் பிரியம் கார்க் உள்ளிட்ட 7 புதிய வீரர்களை சன்ரைசர்ஸ் அணி வாங்கியது. சன்ரைசர்ஸ் அணியில் புதிதாக ட்ரெவர் பெய்லிஸ் மற்றும் பிராட் ஹாடின் ஆகியோர் முறையே தலைமை பயிற்சியாளர் மற்றும் உதவி பயிற்சியாளராக நியமிக்கப்பட்டனர். 27 பிப்ரவரி 2020 அன்று, கேன் வில்லியம்சனுக்குப் பதிலாக டேவிட் வார்னர் சன்ரைசர்ஸ் ஐதராபாத் அணியின் கேப்டனாக மீண்டும் நியமிக்கப்பட்டார். 2020ஆம் பருவத்தை 8 வெற்றிகள் மற்றும் 8 தோல்விகளுடன் முடித்த சன்ரைசர்ஸ் அணி, இறுதிப்போட்டிக்கு முந்தைய தகுதிச்சுற்றில் டெல்லி கேப்பிடல்ஸ் அணியிடம் தோல்வியுற்றனர்.

2021

2021 சீசனுக்கு முன்னதாக, சன்ரைசர்ஸ் அணி 22 வீரர்களைத் தக்க வைத்துக் கொண்டது மற்றும் 5 வீரர்களை விடுவித்தது. ஏல நாளில் (18 பிப்ரவரி 2021), ஜகதீசா சுசித், முஜீப் உர் ரஹ்மான் மற்றும் கேதர் ஜாதவ் ஆகிய 3 வீரர்களை சன்ரைசர்ஸ் அணி வாங்கியது. மேலும் சன்ரைசர்ஸ் கிரிக்கெட் இயக்குநராக டாம் மூடியை மீண்டும் பணியாளர் குழுவில் சேர்க்கப்பட்டார். 7 ஆட்டங்களில் 1 வெற்றியுடன் சீசனுக்கு அணியின் மோசமான தொடக்கத்தைத் தொடர்ந்து, டேவிட் வார்னருக்குப் பதிலாக எஞ்சிய சீசனுக்கு கேன் வில்லியம்சனை கேப்டனாக சன்ரைசர்ஸ் அணி அறிவித்தது. இறுதியாக 3 வெற்றி, 11 தோல்விகளுடன் புள்ளிப்பட்டியலில் கடைசி இடத்தைப் பிடித்தது.

2022

2022 சீசனுக்கான மெகா ஏலத்திற்கு முன்னதாக சன்ரைசர்ஸ் ஐதராபாத் அணி, கேன் வில்லியம்சன், அப்துல் சமத் மற்றும் உம்ரான் மாலிக் ஆகிய மூவரையும் தக்கவைத்துக் கொண்டது. ஏலத்தில் தங்கராசு நடராசன், புவனேசுவர் குமார், அபிஷேக் ஷர்மா, பிரியம் கர்க் உள்ளிட்ட சன்ரைசர்ஸ் அணியின் முன்னாள் வீரர்களையும், வாஷிங்டன் சுந்தர், நிக்கோலஸ் பூரன், எய்டென் மார்க்ரம், ராகுல் திரிப்பாட்டி உள்ளிட்ட புதிய வீரர்களையும் வாங்கியது.

• பன்னாட்டு வீரர்களின் பெயர்கள் தடித்த எழுத்துக்களால் குறிக்கப்பட்டுள்ளன.

எண்.	பெயர்	நாடு	பிறந்த நாள்	மட்டையாட்ட நடை	பந்துவீச்சு நடை	ஒப்பந்த ஆண்டு	வருமானம்	குறிப்புகள் பா உ தொ
மட்டையாளர்கள்
	கேன் வில்லியம்சன்	நியூசிலாந்து	8 ஆகத்து 1990 (1990-08-08) (அகவை 33)	வலது-கை	வலது-கை எதிர் விலகு	2015	₹14 கோடி	தலைவர், வெளிநாட்டு வீரர்
	எய்டென் மார்க்ரம்	தென்னாப்பிரிக்கா	4 அக்டோபர் 1994 (1994-10-04) (அகவை 29)	Right-handed	Right-arm off break	2022	₹2.6 கோடி (US$3,30,000)	வெளிநாட்டு வீரர்
	ரவிக்குமார் சாம்ராத்	இந்தியா	22 சனவரி 1993 (1993-01-22) (அகவை 31)	Right-handed	Right-arm off break	2022	₹20 இலட்சம் (US$25,000)
	ராகுல் திரிப்பாட்டி	இந்தியா	2 மார்ச்சு 1991 (1991-03-02) (அகவை 33)	Right-handed	Right-arm medium-fast	2022	₹8.5 கோடி (US$1.1 மில்லியன்)
	பிரியம் கர்க்	இந்தியா	30 நவம்பர் 2000 (2000-11-30) (அகவை 23)	வலது-கை	வலது-கை மித-வேகம்	2020	₹1.9 கோடி
பன்முக வீரர்கள்
	அப்துல் சமத்	இந்தியா	28 அக்டோபர் 2001 (2001-10-28) (அகவை 22)	Right-handed	Right-arm leg break	2020	₹4 கோடி (US$5,00,000)
	மார்க்கோ யான்சென்	தென்னாப்பிரிக்கா	1 மே 2000 (2000-05-01) (அகவை 23)	Right-handed	Left-arm fast	2022	₹4.2 கோடி (US$5,30,000)	வெளிநாட்டு வீரர்
	அபிஷேக் ஷர்மா	இந்தியா	4 செப்டம்பர் 2000 (2000-09-04) (அகவை 23)	Left-handed	Left-arm orthodox	2019	₹6.5 கோடி (US$8,10,000)
	வாசிங்டன் சுந்தர்	இந்தியா	5 அக்டோபர் 1999 (1999-10-05) (அகவை 24)	Left-handed	Right-arm off break	2022	₹8.75 கோடி (US$1.1 மில்லியன்)
	ரொமாரியோ ஷெப்பர்ட்	கயானா	26 நவம்பர் 1994 (1994-11-26) (அகவை 29)	Right-handed	Right-arm medium-fast	2022	₹7.75 கோடி (US$9,70,000)	வெளிநாட்டு வீரர்
	ஷாஷங்க் சிங்	இந்தியா	21 நவம்பர் 1991 (1991-11-21) (அகவை 32)	Right-handed	Right-arm off break	2022	₹20 இலட்சம் (US$25,000)
இலக்குக் கவனிப்பாளர்கள்
	நிக்கோலஸ் பூரன்	டிரினிடாட் மற்றும் டொபாகோ	2 அக்டோபர் 1995 (1995-10-02) (அகவை 28)	Left-handed	Right-arm off break	2022	₹10.75 கோடி
	விஷ்ணு வினோத்	இந்தியா	2 திசம்பர் 1993 (1993-12-02) (அகவை 30)	Right-handed	Right-arm medium-fast	2022	₹50 லட்சம்
	கிளென் பிலிப்சு	நியூசிலாந்து	6 திசம்பர் 1996 (1996-12-06) (அகவை 27)	Right-handed	Right-arm off break	2022	₹1.5 கோடி	வெளிநாட்டு வீரர்
பந்து வீச்சாளர்கள்
	புவனேசுவர் குமார்	இந்தியா	5 பெப்ரவரி 1990 (1990-02-05) (அகவை 34)	Right-handed	Right arm medium-fast	2014	₹4.2 கோடி (US$5,30,000)
	உம்ரான் மாலிக்	இந்தியா	22 நவம்பர் 1999 (1999-11-22) (அகவை 24)	Right-handed	Right arm fast	2021	₹4 கோடி (US$5,00,000)
	தங்கராசு நடராசன்	இந்தியா	4 ஏப்ரல் 1991 (1991-04-04) (அகவை 33)	Left-handed	Left arm medium-fast	2018	₹4 கோடி (US$5,00,000)
	கார்த்திக் தியாகி	இந்தியா	8 நவம்பர் 2000 (2000-11-08) (அகவை 23)	Right-handed	Right arm fast	2022	₹4 கோடி (US$5,00,000)
	ஷ்ரேயஸ் கோபால்	இந்தியா	4 செப்டம்பர் 1993 (1993-09-04) (அகவை 30)	Right-handed	Right arm leg break	2022	₹75 இலட்சம் (US$94,000)
	ஜெகதீசா சுச்சித்	இந்தியா	16 சனவரி 1994 (1994-01-16) (அகவை 30)	Left-handed	Left arm orthodox	2021	₹20 இலட்சம் (US$25,000)
	சீன் அப்பாட்	ஆத்திரேலியா	29 பெப்ரவரி 1992 (1992-02-29) (அகவை 32)	Right-handed	Right-arm medium-fast	2022	₹4.2 கோடி (US$5,30,000)	வெளிநாட்டு வீரர்
	சவுரவ் தூபே	இந்தியா	23 சனவரி 1998 (1998-01-23) (அகவை 26)	Right-handed	Left-arm medium-fast	2022	₹20 இலட்சம் (US$25,000)
	ஃபசல்ஹக் ஃபரூக்	ஆப்கானித்தான்	22 செப்டம்பர் 2000 (2000-09-22) (அகவை 23)	Right-handed	Left-arm medium-fast	2022	₹50 இலட்சம் (US$63,000)	வெளிநாட்டு வீரர்