स्काइरक डटकम फ्रान्समा आधारित एक सामाजिक सञ्जाल सेवा तथा वेबसाइट हो जसले यसमा दर्ता भएका प्रयोगकर्ताहरूलाई नि: शुल्कको लागि निजीकृत वेब ठाउँ प्रदान गर्दछ। यो ब्लग बनाउन, प्रोफाइल थप्न र अन्य दर्ता भएका व्यक्तिसँग सन्देशहरू साटासाट गर्न यसले सक्षम बनाएको छ। साइटले सदस्यहरूको सङ्गीत रचनाहरूमा समर्पित ब्लगहरू सृजना गर्न पनि सम्भव बनाउँदछ। यो हाल ७ वटा भाषामा उपलब्ध छ जसमा फ्रान्सेली, अङ्ग्रेजी, जर्मनेली, पोर्चुगाली, डच, इटालीयाली, स्पेनी लगायतका भाषाहरू समावेश छन्। कम्पनीको प्रधान कार्यालय फ्रान्सको राजधानी पेरिसमा अवस्थित छ।
साइटको प्रकार | सामाजिक सञ्जाल सेवा |
---|---|
उपलब्ध भाषा | फ्रान्सेली, अङ्ग्रेजी, जर्मनेली, डच, इटालीयाली, स्पेनी, पोर्चुगाली |
मालिक | टेलिफन |
युआरएल | skyrock.com |
अलेक्सा क्रम | ६५७ (सेप्टेम्बर २०१३[उद्यतन]) |
व्यवसायिक | हो |
दर्ता | चाहिदैन |
यसको संस्थापक, पियरे बेल्लङ्गरले यसलाई फ्रान्सेली स्काइरक रेडियोसँग जोडेका कारण, स्काई रक डटकमको वेबसाइट अन्तर्राष्ट्रिय रूपमा पहुँच योग्य छ। एक मापक आयोग कमस्कोरका अनुसार, पछिल्ला १४ संस्करणहरू मार्फत यो विश्वव्यापी रूपमा पहुँच योग्य बनेको हो।
पछिल्ला संस्करणहरू कम अद्यावधिक भएकाले कम्पनीले २६ अगष्ट २०१० मा, यसलाई नयाँ संस्करणका साथ सुरू गरेको थियो।
जुन 16, 2023 मा, Skyrock टोलीले आफ्नो आधिकारिक ब्लगमा प्रकाशित लेख मार्फत, व्यक्तिगत डेटा कानूनको पालना गर्न, सामाजिक सञ्जाल स्थायी रूपमा बन्द गर्ने घोषणा गर्यो।[१]
यसको आधिकारिक ब्लग डिसेम्बर २००२ मा, यसका संस्थापक पियरे बेलाङ्गरद्वारा स्थापनम गरिएको थियो। मे २००७ मा, स्काई ब्लग ब्राण्डको विच्छेदन पछि स्काइ रक डटकम एक वास्तविक सामाजिक सञ्जाल सेवाको रूपमा सुरू भएको थियो। यसमा ब्लग सृजना विकल्पमा साथीहरू, सन्देश, वार्ता र प्रोफाइलहरू जस्ता सञ्जाल सुविधाहरू थपिएका थिए।
सन् २००८ मा स्काइ रक डटकम विश्वमा सातौँ ठूलो सामाजिक सञ्जाल थियो जसमा २१ मिलियन भन्दा बढी आगन्तुक समावेश थिए।
फ्रान्समा स्काई रकको प्रवेश दर उच्च छ। धेरै फ्रान्सेली मध्य विद्यालयहरूमा, विद्यार्थीहरूले उनीहरूको बहिष्कारको परिणामस्वरूप विद्यालय कर्मचारीलाई दुर्व्यवहार गर्न यस मञ्चको प्रयोग गरेका थिए र उक्त विद्यालयहरूद्वारा सतर्कता जारी गर्दै उनीहरूले यस्तो व्यवहारको बारेमा अभिभावक र विद्यार्थीहरूलाई चेतावनी दिएका थिए।
यसबाहेक, केही अमेरिकी पत्रिकाहरूले सन् २००५ को फ्रान्समा भएको नागरिक अशान्तिको विरोधि आन्दोलनमा स्काइ ब्लगका प्रयोगकर्ताहरूलाई जोड्नको लागि प्रयास गरेका थिए। तथापि, फ्रान्सेली राज्यका संस्थानहरूले स्काइ रक ब्लगको प्रयोगलाई सूचित गर्दै कुनै औपचारिक गुनासो पेश गरेका थिएनन्।
केही प्रख्यात फ्रान्सेली संस्थाहरूले सन्देशहरू संप्रेषण गर्न स्काइ रक ब्लगलाई मनपर्ने उपकरणको रूपमा सृजना गरेका थिए जुन चाहीँ फ्रान्सेली समान अवसर र भेदभाव विरोधी आयोगको एक उदाहरण हो।
नोभेम्बर २०१९ सम्म, सिमिलर वेबको तथ्याङ्कका अनुसार, यो विश्वव्यापी सर्वाधिक लोकप्रिय वेबसाइटहरूको सूचीमा ६,७०८अौँ स्थानमा रहेको छ भने चीनमा यसको क्रम ३१५ रहेको छ जसमा यसको उछाल दर ५१.०३% रहेको छ।
नोभेम्बर २०१९ सम्म, अलेक्सा इण्टरनेटको तथ्याङ्कका अनुसार, यो विश्वव्यापी सर्वाधिक लोकप्रिय वेबसाइटहरूको सूचीमा ५,५०४अौँ स्थानमा रहेको छ भने भारतमा यसको क्रम २७९ रहेको छ।
This article uses material from the Wikipedia नेपाली article स्काइरक डटकम, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.