सेलेना गोमेज: अमेरिकी अभिनेत्री र गायिका

सेलेना गोमेज
सन् २०२२ मा ह्वाइट हाउसमा गोमेज
जन्म	सेलेना मारी गोमेज (1992-07-22) २२ जुलाई १९९२ (उमेर ३१) ग्रान्ड प्रेरी, टेक्सास, संयुक्त राज्य अमेरिका
पेशा	गायिका गीतकार अभिनेत्री निर्मात्री
कार्यकाल	सन् २००२-वर्तमान
कार्य	सोलो डिस्कोग्राफी रेकर्ड गरिएका गीतहरू प्रत्यक्ष प्रदर्शनहरू भिडियोग्राफी
पुरस्कार	पूर्ण सूची
साङ्गीतिक जीवन
विधा	पप डान्स-पप इलेक्ट्रो पप
वाद्ययन्त्र	स्वर
लेबल	वाल्ट डिज्नी हलिउड इन्टरस्कोप
हस्ताक्षर
वेबसाइट	selenagomez.com

उनको पूर्व ब्यान्ड सेलेना गोमेज एन्ड द सिनसँग उनले ब्यान्डको प्रकाशित एलबमहरू मध्ये, किस एन्ड टेल (२००९), अ इअर्स विथआउट रेन (२०१०) र ह्वेन द सन गोज डाउन (२०११) लाई बिलबोर्ड २०० चार्टको शीर्ष १० मा पुगाउन सफल भएका थिए। एकल कलाकारको रूपमा, उनका दुईवटा एल्बमहरू स्टार्स डान्स (२०१३) र रिभाइभल (२०१५) बिलबोर्ड २०० को शीर्ष स्थानमा पुगेका थिए। उनका प्रकाशित गीतहरू मध्ये "कम एन्ड गेट इट", "द हट वान्ट्स ह्वाट इट वान्ट्स", "गुड फर यु", "सेम वल्ड लभ", "हेन्ड्स टु माइसेल्फ", चार्लि पुथसँग "वि डन्ट टक एनिमोर", र काइगोसँग "इट एन्ट मी" लगायतका ७ वटा गीतहरू बिलबोर्ड हट १००को शीर्ष १० मा पुग्न सफल भएका थिए। बिलबोर्डको एक प्रतिवेदन अनुसार, सेलेना गोमेजले ७ मिलियन भन्दा बढी एल्बमहरू र २२ मिलियन भन्दा बढी एकल गीतहरू बिक्री गरिसकेकी छिन्।

गोमेजले उनको कार्यकालमा, अहिलेसम्म विभिन्न पुरस्कारहरू हात पारेकी छिन् जसमा उनले १ पटक एएलएमए अवार्ड, १ पटक अमेरिकी म्युजिक अवार्ड, १ पटक एमटिभी भिडियो म्युजिक अवार्ड, १ पटक पिपुल्स चोइस अवार्ड, २ पटक बिलबोर्ड वुमन इन म्युजिक अवार्ड र १८ पटक टिन चोइस अवार्डहरू हात पार्न सफल भएकी थिइन्। गोमेज सामाजिक सञ्जाल इन्स्टाग्राममा अक्टोबर २०१८ सम्म सबैभन्दा बढी पछ्याइएकी प्रयोगकर्ता थिइन् र अक्टोबर २०१८ पछि उनलाई उछिन्दै पोर्चुगलका फुटबल खेलाडी क्रिस्टियानो रोनाल्डो सबैभन्दा बढी पछ्याइएका प्रयोगकर्ता बन्न सफल भएका थिए। गोमेजले सन् २०१० मा केमार्टको माध्यमबाट आफ्नै कपडा लाइन र सन् २०१३ मा आफ्नै शीर्षकमा रहेको अत्तर जारी गरेकी थिइन्। सन् २०१७ मा उनले "सेलेना ग्रेस" नामक हाते झोला एक सीमित-संस्करण सङ्ग्रह जारी गरिन् जुन उनले कोच, इङ्क सहयोगमा नमुना बनाएकी थिइन्। उनले वर्षौ सम्म विभिन्न दानी संस्थाहरूसँग काम गरेकी थिइन् जसले गर्दा उनी मात्रै १७ वर्षको उमेर छँदा युनिसेफको सदस्य बन्न पुगेकी थिइन्।

स्पष्टीकरण