पोखरा प्रिमियर लिग एक व्यवसायीक नेपाली टी-२० क्रिकेट प्रतियोगिता हो जसलाई नमस्ते पोखरा प्रिमियर लिगको नामबाट पनि चिनिन्छ। जुन नेपालको एक सुन्दर सहर पोखरामा हुने गरेको छ। पहिलो संस्करणको पोखरा प्रिमियर लिग कात्तिक ९ देखि कात्तिक २० गतेसम्म आयोजना गरिएको थियो। यस प्रतियोगितालाई क्विन्स इभेन्ट म्यानेजमेन्ट प्रालिले प्रबन्धन गरेको छ। २०७५ मा पोखरामा पहिलो पटक आयोजना भएको पोखरा प्रिमियर लिगलाई अन्तर्राष्ट्रिय क्रिकेट परिषद मान्यता दिएको थियो।
नमस्ते पोखरा प्रिमियर लिग | |
---|---|
देशहरू | नेपाल |
प्रशासक | क्विन्स इभेन्ट म्यानेजमेन्ट प्रालि |
ढाँचा | ट्वान्टी२० |
पहिलो प्रतियोगिता | २०७५ |
आगामी प्रतियोगिता | २०७६ |
प्रतियोगिताको ढाँचा | राउन्ड रोबिन |
टिम सङ्ख्या | ६ |
वर्तमान विजेता | चितवन राइनोज |
सबैभन्दा सफल | पोखरा पल्टन, चितवन राइनोज (प्रथम उपाधि) |
वेबसाइट | पोखरा प्रिमियर लिगको आधिकारिक वेबसाइट |
यस पोखरा प्रिमियर लिगको शीर्षक प्रायोजन भने नमस्ते प्रिमियम बियरले गरेको थियो जसका कारण प्रतियोगिताको नाम नमस्ते पोखरा प्रिमियर लिग भएको थियो। आयोजक क्विन्स इभेन्ट्स प्रालीले पोखरा प्रिमियर लिगको पुरस्कार राशीमा विजेता टोलीलाई २७ लाख नगद पुरस्कार र उप-विजेता टोलीलाई १० लाख नगद पुरस्कार दिने घोषण गरेको थियो। यो नेपालको टी-२० लिगमा सर्वाधिक राशीको पुरस्कार हो। यस अघिका धनगढी प्रिमियर लिग र एभरेस्ट प्रिमियर लिगको प्रत्यक्ष प्रसारण एपी वान एचडीले गर्दै आएको भएतापनि, पोखरा प्रिमियर लिगलाई भने प्रत्यक्ष प्रसारण हिमालय टेलिभिजन एचडीले गरेको थियो। राजधानीमा आयोजित एक पत्रकार सम्मेलनमा प्रतियोगिताको आयोजक क्विन्स इभेन्ट्सका प्रबन्ध निर्देशक छुम्बी लामा र हिमालय टेलिभिजनका अध्यक्ष धर्मराज भुसालले उक्त हस्ताक्षर गरेका थिए। सम्झौताका अनुसार हिमालय टेलिभिजनले ३ वर्ष प्रसारण गरे बापत नगद र अन्य गरी ३ करोड ७० लाख रुपैयाँ प्रदान गरेको थियो। यस अधिकार बापत हिमालय टिभीले टेलिभिजन र सम्पूर्ण डिजिटल अधिकार प्राप्त गरेको थियो।
टोलीहरू | सहर | घरेलु मैदान | सुरुवात | मालिक | वर्तमान कप्तान | महत्त्वपूर्ण खेलाडी | |
---|---|---|---|---|---|---|---|
हुलास काठमाडौ रोयल्स | काठमाडौ | काठमाडौ | २०७५ | राज्यलक्ष्मी गोल्छा | ज्ञानेन्द्र मल्ल | ज्ञानेन्द्र मल्ल | |
पोखरा पल्टन | पोखरा | पोखरा | २०७५ | विनायक पोखरेल | शरद भेषावकर | शरद भेषावकर | |
बुटवल ब्लास्टर | बुटवल | बुटवल | २०७५ | रामबहादुर बिस्ट | सोमपाल कामी | सोमपाल कामी | |
एक्सपर्ट धनगढी ब्लुज | धनगढी | धनगढी | २०७५ | सञ्जिव शर्मा | दिपेन्द्र सिहं ऐरी | दिपेन्द्र सिहं ऐरी | |
चितवन राइनोज | चितवन | चितवन | २०७५ | राहुल महरा | पारस खड्का | पारस खड्का | |
विराटनगर टाइटान्स | विराटनगर | विराटनगर | २०७५ | पारस लुनिया | सन्दीप लामिछाने | सन्दीप लामिछाने |
संस्करण | स्थान | फाइनल | संस्करणको उत्कृष्ट खेलाडी | ||
---|---|---|---|---|---|
विजेता | नतिजा | उप-विजेता | |||
२०७५ | पोखरा रङ्गशाला, पोखरा | पोखरा पल्टन १६१/७ (१९.२ ओभर) | पोखरा पल्टनले ३ विकेटले खेल जितेको थियो। सूचकपत्र | चितवन राइनोज १६०/५ (२० ओभर) | सन्नी पटेल (चितवन राइनोज) |
२०७६ | पोखरा रङ्गशाला, पोखरा | चितवन राइनोज २०२/५ (२० ओभर) | चितवन राइनोजले ३२ रानले खेल जितेको थियो। सूचकपत्र | पोखरा पल्टन १७०/७ (२० ओभर) | रोहन मुस्तफा (चितवन राइनोज) |
This article uses material from the Wikipedia नेपाली article पोखरा प्रिमियर लिग, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.