लुकामारी वा आसपास बालबालिकाको एक लोकप्रिय खेल हो। यो खेलमा कम्तीमा दुई खेलाडीहरू तथा बढीमा गणना गर्न सकिने खेलाडीहरू एक वा बढी खोज्नेहरूद्वारा भेट्टाउनको लागि एउटा तोकिएको निर्धारित क्षेत्र वरिपरी आफूलाई लुकाउँछन्।
खेलाडीहरू | २+ |
---|---|
पूर्वनिर्धारित समय | अन्दाजी ९० सेकेन्ड |
खेल्ने समय | असीमित |
संयोग | धेरै न्युन |
उमेर समूह | ३+ |
कौशल | दगुर्नु, पछयाउनु, लुक्नु, अवलोकन गर्नु, चुप बस्ने क्षमता |
यो खेलमा सबैभन्दा पहिले एउटा 'डुम' ('चोर') छनौट गर्ने गरिन्छ। डुम छनौट भइसकेपछि उसको आँखामा रुमाल बाँधेर वा उसले स्वयं आफ्नो आँखा बन्द गरेर पहिले देखि निर्धारित गरिएको सङ्ख्यासम्म गन्ती गर्छ (जस्तै १ देखि १०० वा २० सम्म) र गन्ती गरिरहेको समयमा अन्य खेलाडीहरू छेउछाउको लुक्ने स्थानहरूमा आँफुलाई लुकाउने गर्छन्। गिन्ती सकिसकेपछि 'डुम'ले लुकेका खेलाडीहरूलाई खोज्ने कार्य सुरु गर्दछ। खेलाडीहरूलाई खोजी गर्ने क्रममा लुकेका मध्येबाट कुनै खेलाडीले 'डुम'लाई थाहा नै नदिई 'ढ्याप्पा' भन्न सफल भयो भने खेल पुनः सुरु हुन्छ र त्यही खेलाडी 'डुम' बनि अन्य खेलाडीलाई खोज्ने कार्य गर्नुपर्छ तर यदि 'डुम'ले सबै खेलाडीलाई खोज्न सफल भएको खण्डमा सबैभन्दा पहिले खोजी गरेको खेलाडी 'डुम' बन्न पुग्छ।
This article uses material from the Wikipedia नेपाली article लुकामारी, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.