لُکݨ میچا ، لُکݨ میچی ، لُکݨ میٹی (انگریزی: Hide and seek) دا ارتھ اے ‘لُکݨا تے لبھݨا’۔ اس کھیل وچ کھلاڑیاں دی گِݨتی دی کوئی بندش نئیں پَر چنگے منورنجݨ لئی پَنج کھلاڑیاں توں لے کے 15 تک کھلاڑی ہو سکدے نیں۔ ایہ کھیل کُڑیاں مُنڈے کٹھے وی کھیل لیندے نیں۔ اکّ تھاں کٹھے ہو کے واری دیݨ واݪے دی چوݨ کردے نیں۔ چھوٹے جہے پُگݨ پگاڑے یا ٹیسٹ توں بَعد جو ہار گیا، اوہنوں واری دیݨی پیندی اے۔ واری دیݨ واݪے نوں اپݨیاں اکھاں کُچھ سکنٹ تک بند کرنیاں پیندیاں نیں تے باقی کھلاڑی آپو اپݨے تھاواں اُتے لک جاندے نیں۔ واری دیݨ واݪا اونی دیر تک اپݨیاں اکھاں نئیں کھولدا، جنی دیر تک اگوں آواز نئیں آؤندی آ جا۔ واری دیݨ واݪا اکھاں کھول کے آواز دے اندازے ناݪ دوجے کھلاڑیاں نوں لَبھدا ے۔ جیکر سبھ کھلاڑی اس توں بچ کے طے کیتے تھاں اُتے بنا لبھے آ جاݨ تاں اوہنوں دوبارا واری دیݨی پیندی اے۔ جیکر اوہ لُکے کھلاڑیاں وچوں کِسے نوں لَبھ لیندا اے تاں اس کھلاڑی نوں واری دینی پیندی اے، اس طرحاں ایہ کھیل لگاتار چلدا رہندا اے۔ ایہ کھیل جِتھے جسمانی تندرستی بخشدا اے اوتھے ای ایہدے ناݪ آپسی پیار ودھدا اے۔ کھلاڑیاں نوں لبھݨ دے اندازے ناݪ ذہنی نشوونما وی تیز ہندی اے۔
لُکݨ میچا |
پنجاب وچ بالاں دیاں ہور کھیلاں وچ کوکلا چھپاکی، گلی ڈنڈا، باراں ٹاہݨی، اڈا کھڈا تے دوجیاں کئی ساریاں کھیلاں شامل نیں۔
This article uses material from the Wikipedia شاہ مکھی پنجابی (Shāhmukhī Pañjābī) article لُکݨ میچا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.