Tel-Aviv-Jaffa
I Tel-Aviv-Jaffa izay antsoina matetika hoe Tel Aviv na Tel-Aviv, dia tanàna israeliana any amin' ny morontsirak' i Mediteranea ao afovoan' ny tangoron-tanànan' i Gush Dan ao Israely.
Ny tanànan' i Tel Aviv ankehitriny dia naorina tamin' ny taona 1909 nandritra ny vanim-potoan' ny Ôtômana teo amin' ny tanàna an-tsisin' i Jaffa, tanàna seranan-tsambo izay nitambatra aminy tamin' ny taona 1950.
Amin' ny teny hebreo izy dia atao hoe תל אביב-יפו, Tēl-ʾĀvīv-Yāfō, fa amin' ny teny arabo kosa dia تل أبيب يافا / Tall ʾAbīb-Yāfā.
I Tel Aviv dia mirefy 14 km manamorona ny morontsirak' i Mediteranea. Mamaritra azy avy ao avaratra i Yarkon (renirano sy valan-javaboary) sy ny tanàna ambanivohitr' i Herzliya sy Ramat Hasharon. Ao atsinanana dia misaraka amin' i Giv'atayim sy i Ramat Gan (foiben' ny fifanakalozana diamondra) izy amin' ny alalan' ny lalambe migodana Ayalon, izay mamakivaky ny reniranon' i Ayalon. Manamorona ny faritra atsimon’ i Tel Aviv ny tanànan' i Bat Yam sy i Holon.
I Tel Aviv dia misy mponina 468 809 eo ho eo tamin' ny Janoary 2022, ka izy no tanàna faharoa lehibe indrindra ao Israely, eo aorian' i Jerosalema (mponina 966 346) ary eo alohan' i Haifa any avaratra kokoa (mponina 282 751).
This article uses material from the Wikipedia Malagasy article Tel-Aviv-Jaffa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.