Ôsetia An' I Alania Avaratra
I Ôsetia an' i Alania Avaratra na Repoblikan' i Ôsetia an' i Alania Avaratra na Ôsetia Avaratra dia repoblika ao amin' ny Federasiônan' i Rosia, any Kaokazia Avaratra.
Ny mpifanolo-bodirindrina aminy dia ny Repoblikan' i Ingosetia any atsinanana, ny Repoblikan' i Kabardinô-Balkaria any andrefana, ny Krain' i Stavropol any avaratra, ary i Jeôrgia sy i Ôsetian' i Alania Atsimo any atsimo. Ny renivohiny dia i Vladikavkaz (izay atao hoe Vladicaucasus indraindray). Amin' ny teny rosiana dia atao hoe Республика Северная Осетия-Алания / Respublika Severnaïa Osetia-Alania; amin' ny teny ôsetiana kosa dia atao hoe Республикӕ Цӕгат Ирыстон-Алани, / Respublikæ Tsægat Iryston-Alani.
Avy amin' ny Repoblika Sôsialista Mizakaten' i Ôsetia Avaratra teo aloha, i Ôsetia an' i Alania Avaratra izay manana velaran-tany mirefy 7 987 km2 hatramin' ny niitarany tamin' ny taona 1944 avy any amin' ny ilany atsinanan' ny faritr' i Prigorodny ka nampihena an' i Ingosetia mpifanolo-bodirindrina, tamin' ny fotoana nanaovana sesitany ny Ingosy nataon' i Stalin.
Jereo koa
This article uses material from the Wikipedia Malagasy article Ôsetia an' i Alania Avaratra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.