Vlag Van Noord-Korea
Die nasionale vlag van Noord-Korea is op 8 September 1948 amptelik in gebruik geneem.
Die vlag vertoon drie horisontale bane van bo na onder in blou, rooi en blou met ’n wit fraiing tussen elke baan en wit skyf met ’n rooi ster in die rooi baan.
 | |
| Bynaam | (ko) 인공기 (af) Volksrepubliekvlag |
|---|---|
| Gebruik | Nasionale vlag en vaandel  |
| Verhouding | 1:2 |
| Goedgekeur | 8 September 1948 |
| Ontwerp | Drie horisontale bane van bo na onder in blou, rooi en blou met ’n wit fraiing tussen elke baan en wit skyf met ’n rooi ster in die rooi baan |
| Ontwerp deur | Kim Tu-bong |
Ontwerp
Die middelpunt van die skyf en die ster is op ’n derde na die vlagpaalkant van die vlag. Elk van die blou bane is ’n sesde van die hoogte met die fraiings ’n ses-en-dertigste.
.svg)
Kleure
Die kleurskema word hieronder gelys:
| | Blou | Rooi | Wit |
|---|---|---|---|
| RGB | 2/79/162 | 237/28/39 | 255/255/255 |
| Heksadesimaal | #024fa2ff | #ed1c27ff | #FFFFFF |
| CMYK | 99/51/0/36 | 0/88/84/7 | 0/0/0/0 |
Simboliek
Die Noord-Koreaanse vlag se prominente rooi ster is ’n universele simbool van kommunisme maar sedert die aanvaarding van die vlag is die kommunistiese outoriteit as die staat se leidinggewende ideologie vervang met die Marxisme-Leninisme van Juche en verwysings na kommunisme is stelselmatig uit die land se grondwet en regsdokumente verwyder. Die rooi baan stel rewolusionêre tradisies voor terwyl die blou bane soewereiniteit, vrede en vriendskap voorstel. Die wit fraiings stel reinheid voor.
Die webwerf van die Koreaanse Vriendskapvereniging dui egter in teendeel aan dat die rooi ster rewolusionêre tradisies voorstel terwyl die rooi baan die patriotisme en vasberadenheid van die Koreane voorstel. Die wit fraiings stel die verenigde volk en haar kultuur voor en die blou bane stel eenheid voor.
Trivia
’n 270-kg Noord-Koreaanse vlag hang aan die wapper aan die derde hoogste vlagpaal ter wêreld, geleë in Kijŏng-dong aan die Noord-Koreaanse kant van die Militêre Afbakeningslyn binne die Koreaanse Gedemilitariseerde Sone. Die vlagpaal is 160 m hoog.
Geskiedenis
Die vlag is aanvaar toe die noordelike deel van Korea ’n sosialistiese staat geword het met die ondersteuning van die Volksrepubliek China en die Sowjetunie na die herstel van onafhanklikheid in Korea in 1945. Die vlag is ontwerp deur Kim Tu-bong en het in Julie 1948 die taegukgi vervang. Die nuwe vlag het die naam van Volksrepubliekvlag (인공기,Ingonggi) gekry.
Vorige vlae
-
Taegukgi van die Joseon-dinastie, tot 1800 -
Taegukgi, November 1882 -
Taegukgi, 1882 tot 1910 -
Taegukgi, 1888 tot 1893 -
Denny Taegukgi, 1888 tot 1893 -
Taegukgi, 1893 -
Taegukgi, 1899 -
Vlag van die Voorlopige Regering van die Republiek Korea, 1919 -
Vlag van die Sowjetunie, gebruik in Noord-Korea tydens die Sowjetse besetting, Oktober 1945 tot September 1948 -
Vlag van die Voorlopige Regering van die Republiek Korea, Februarie 1946 tot Julie 1948 -
Vlag van Noord-Korea, 1948 to 1992 -
Vlag van die Koreaanse Volksweermag, 1992 tot 1993
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
Ander vlae
-
Korrekte vertikale gebruik van die vlag van Noord-Korea -
Vlag van die Arbeidersparty van Korea -
Korrekte vertikale gebruik van die Arbeidersparty van Korea se vlag -
Persoonlike standaard van die Opperste Bevelvoerder van die Koreaanse Volksweermag -
Vlag van die Koreaanse Volksweermag -
Vlag van die Koreaanse Volkslugmag -
Vlag van die Koreaanse Volksvloot -
Vlag van die Noord-Koreaanse Wagte -
Vlootvaandel van Noord-Korea -
Vlag van die Koreaanse Volksleër se Grondmag -
Koreaanse verenigingsvlag, soos tydens die Olimpiese Winterspele 2018 in Pyeongchang, Suid-Korea, gebruik
.png)
Verwysings
Eksterne skakels
| Wiki Commons bevat media in verband met Vlae van Noord-Korea. |
- (en) Noord-Korea by Flags of the World.
- (en) "Flag of Korea, North". Encyclopædia Britannica. Besoek op 27 Mei 2019.
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Vlag van Noord-Korea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.