Tai-Kadai-Tale
Die Tai-Kadai-tale, soms ook Kra-Dai-, Dais- of Kadai-tale genoem, is 'n taalfamilie wat uit 95 tale bestaan wat deur sowat 100 miljoen mense gepraat word.
Hulle is oorwegend oor Suid-China, Hainan, Indo-China en Noordoos-Indië versprei.
| Tai-Kadai-tale Kra-Dai-, Dais- of Kadai-tale | |
|---|---|
| Geografiese verspreiding: | Suid-China, Hainan, Indo-China en Noordoos-Indië |
| Genetiese klassifikasie: | Tai-Kadai Tai-Kadai-tale |
| Onderafdelings: | Kra Kam-Sui Ong Be Hlai Tai (Zhuang-Tai) |
 Verspreiding van Tai-Kadai-tale | |
Die Tai-Kadai-tale is na die twee hooftakke, naamlik die Tai-tale en die Kra-tale (by Ethnologue Kra-Dai), genoem. Dis hoekom dié benaming omstrede en nie algemeen aanvaar is nie. Aan dié taalfamilie behoort nog die taal Ong Be (op Hainan), die Kam-Sui-tale en die Hlai-tale (ook op Hainan); altesaam bestaan dié taalfamilie uit vyf sytakke waarvan die Tai-tale net die grootste is. Van die alternatiewe benamings sluit in Kra-Dai-, Dais- en Kadai-tale.
Die diversiteit van die Tai-Kadai-tale in suidoostelike China, veral in Guizhou en Hainan, dui daarop dat dit naby aan hul tuisland is. Die Tai-tak het net sowat 'n duisend jaar gelede suid ná Suidoos-Asië verskuif in wat Austro-Asiatiese grondgebied gewees het met die oprigting van nasies wat later Thailand en Laos sou word.
Die grootste tale (volgens moedertaalsprekers) is: Thai (20 miljoen), Tai Yai (3,3 miljoen) en Lao (3 miljoen). Thai en Lao is die enigste van die Tai-Kadai-tale wat amptelike status in 'n land geniet (in Thailand en Laos, respektiewelik).
Verwysings
Bronne
- (en) Diller, A., J. Edmondson, & Yongxian Luo (2005). The Tai–Kadai languages. Londen: Routledge. ISBN 0-7007-1457-X.
{{cite book}}: AS1-onderhoud: meer as een naam (link)
Eksterne skakels
- Wiki Afrikaans
Wiki Commons het meer media in die kategorie Tai-Kadai-tale. - (en) "Ethnologue: Languages of the World, 17th edition, Kra-Dai". Ethnologue. Besoek op 27 April 2021.
- (en) "Tai-Kadai languages". Encyclopædia Britannica. Besoek op 27 April 2021.
This article uses material from the Wikipedia Afrikaans article Tai-Kadai-tale, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.