'n Handelsmerk (Engels: Trademark) is 'n versameling beelde en idees wat 'n ekonomiese produsent verteenwoordig; meer spesifiek verwys dit na die tasbare simbole soos die naam, kenteken, leuse en ontwerpskema.
Handelsmerkerkenning en ander reaksies word ontlok deur die versameling ervaringe wat gebruikers met die spesifieke produk of diens ondervind, hetsy direk deur die gebruik van sodanige produk of indirek deur die invloed van advertensies, ontwerp en kommentaar in die media. 'n Handelsmerk is 'n simboliese beliggaming van al die inligting wat verband hou met 'n maatskappy, produk of diens. 'n Handelsmerk dien om assosiasies en verwagtinge te skep rondom die produkte van 'n produsent. 'n Handelsmerk sluit dikwels 'n eksplisiete kenteken, lettertipe, kleurskemas, simbole, klanke wat ontwikkel word om 'n implisiete waarde, idee of selfs persoonlikheid te verteenwoordig.
Die instandhouding en ontwikkeling van handelsmerke het 'n toenemende belangrike komponent van die moderne kultuur en ekonomie geword.
This article uses material from the Wikipedia Afrikaans article Handelsmerk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.