TOI 700 d is ’n eksoplaneet, moontlik ’n aardplaneet, wat om die rooidwerg TOI 700 wentel.
Die ster is 101,4 ligjare van hier in die sterrebeeld Swaardvis. Die planeet is die eerste aardgrootte-eksoplaneet wat deur die Transiting Exoplanet Survey Satellite (TESS) in die bewoonbare sone van sy ster ontdek is, vroeg in Januarie 2020.
TOI 700 d | ||||
Eksoplaneet | ||||
Soort planeet | Aardgrootte | |||
Moederster | TOI 700 | |||
Ster se eienskappe | ||||
Sterrebeeld | Swaardvis | |||
Regte klimming | 06h 28m 22.97s. | |||
Deklinasie | -65° 34′ 43.01″. | |||
Skynmagnitude (m) | 13,1±0,01 | |||
Afstand (ligjaar) | 101,4 | |||
Metaalinhoud | -0,07±0,11 | |||
Spektraaltipe | M | |||
Planeet | ||||
Massa | 1,72 M⊕ | |||
Radius | 1,19 R⊕ | |||
Temperatuur | 268,8+7,7−7,6 K | |||
Wentelperiode | 37,4260+0,0007−0,0010 | |||
Ontdekking | ||||
Datum | 3 Januarie 2020 | |||
Ontdekkers | TESS | |||
Metode | Oorgang | |||
|
TOI 700 d is min of meer so groot soos die Aarde, met ’n soortgelyke radius en massa. Die massa is na raming 1,72 M⊕ en sy radius 1,19 R⊕.
Die moederster, TOI 700, is ’n rooidwerg (van spektraaltipe M). Dit het 40% die massa, 40% die radius en 50% die temperatuur van die Son. Dit is ’n helder ster met ’n lae vlak van steraktiwiteit. Geen stervlamme is deur TESS waargeneem nie. Die lae rotasiespoed is ook ’n aanduiding van min steraktiwiteit.
TOI 700 d wentel elke 37,4260 dae om sy ster, binne die bewoonbare sone. Die stelsel het nog twee planete, TOI 700 b en TOI 700 c, wat nie in die bewoonbare sone is nie.
TOI 700 d is vroeg in Januarie 2020 deur TESS (’n ruimteteleskoop van Nasa) ontdek.
This article uses material from the Wikipedia Afrikaans article TOI 700 d, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.