Sokker-Konfederasiebeker

Dit was normaalweg 'n sokkertoernooi tussen die kampioene van die ses oorkoepelende kontinentale sokkerbonde (AFC, CAF, CONCACAF, CONMEBOL, OFC en UEFA) aangevul met die destydse wêreldkampioen en die organiserende land. Die toernooi is in die jaar voor 'n Sokker-Wêreldbeker in die land wat die Sokker-Wêreldbeker organiseer het aangebied. In die verlede is die Konfederasiebeker al om die twee jaar aangebied en later al om die vier jaar. Die laaste kampioen was Duitsland wat die toernooi in 2017 gewen het.

FIFA Sokker-Konfederasiebeker
'
Die trofee waarom meegeding is
Sportsoort	Sokker
Gestig	1992
Gestaak	2019
Eienaar	FIFA
Inwydingseisoen	1992 (as die Koning Fahd-beker) 1997 (as die FIFA Sokker-Konfederasiebeker)
Deelnemende lande	wêreldwyd
Aantal spanne	8
Mees onlangse kampioen	Duitsland (2017)

Die destydse Saoediese koning Fahd het die Koning Fahd-beker in 1992 en Koning Fahd-beker in 1995 bedink en dié twee toernooie deur die Saoediese Sokkervereniging in die Riaadse Koning Fahd II-stadion laat aanbied. In 1997 het FIFA die reëling van dié toernooi by Saoedi-Arabië oorgeneem en dit in Sokker-Konfederasiebeker herdoop, met die eerste toernooi wat in 1997 ook in Saoedi-Arabië aangebied is.

Die laaste formaat van die kampioenskappe het agt spanne behels wat om die titel meegeding het in stadions van die gasheerland(e) oor 'n periode van ongeveer twee weke. Beide Brasilië en Meksiko is rekorddeelnemers met sewe deelnames. Oor die tien toernooie wat al aangebied is het ses lande al die titel ingepalm. Brasilië het al 'n rekord van vier keer gewen. Frankryk het twee keer gewen. Die ander wenners sluit in Argentinië, Denemarke, Duitsland en Meksiko met een titel elk.

Ná die 2017-toernooi het FIFA aangekondig dat dit dié toernooi nie langer sal aanbied nie en dit deur ’n uitgebreide FIFA-Klubwêreldbeker sal vervang.

Koning Fahd-beker

Jaar	Land(e)		Finale				Derde plek
			Wenner	Telling	Tweede plek		Derde plek	Telling	Vierde plek		Deelnemende lande
1992 Oorsig	Saoedi-Arabië		Argentinië	3–1	Saoedi-Arabië		Verenigde State	5–2	Ivoorkus		4
1995 Oorsig	Saoedi-Arabië		Denemarke	2–0	Argentinië		Meksiko	1–1 5–4 n. S.	Nigerië		6

Sokker-Konfederasiebeker

Jaar	Land(e)		Finale				Derde plek
			Wenner	Telling	Tweede plek		Derde plek	Telling	Vierde plek		Deelnemende lande
1997 Oorsig	Saoedi-Arabië		Brasilië	6–0	Australië		Tsjeggië	1–0	Uruguay		8
1999 Oorsig	Meksiko		Meksiko	4–3	Brasilië		Verenigde State	2–0	Saoedi-Arabië		8
2001 Oorsig	Suid-Korea   Japan		Frankryk	1–0	Japan		Australië	1–0	Brasilië		8
2003 Oorsig	Frankryk		Frankryk	1–0 e. T.	Kameroen		Turkye	2–1	Colombia		8
2005 Oorsig	Duitsland		Brasilië	4–1	Argentinië		Duitsland	4–3 e. T.	Meksiko		8
2009 Oorsig	Suid-Afrika		Brasilië	3–2	Verenigde State		Spanje	3–2 e. T.	Suid-Afrika		8
2013 Oorsig	Brasilië		Brasilië	3–0	Spanje		Italië	2–2 e. T. 3–2 n. S.	Uruguay		8
2017 Oorsig	Rusland		Duitsland	1–0	Chili		Portugal	2–1 e. T.	Meksiko		8

• Wiki Afrikaans  Wiki Commons het meer media in die kategorie Sokker-Konfederasiebeker.
• (en) Amptelike webwerf Geargiveer 15 Junie 2010 op Wayback Machine

	FIFA Sokker-Konfederasiebeker
Saoedi-Arabië 1992 • Saoedi-Arabië 1995 • Saoedi-Arabië 1997 • Meksiko 1999 • Suid-Korea/Japan 2001 • Frankryk 2003 • Duitsland 2005 • Suid-Afrika 2009 • Brasilië 2013 • Rusland 2017 • 2021