Pasjtoene

Hierdie artikel handel oor die etniese groep. Vir die taal, sien Pasjtoe.

Pasjtoene
Totale bevolking:	ca. 49 miljoen
Belangrike bevolkings  in:	Pakistan ~31 miljoen  Afghanistan ~14 miljoen  Verenigde Arabiese Emirate 338 315  Verenigde State 138 554  Iran 110 000  Verenigde Koninkryk 100 000  Duitsland 37 800  Kanada 26 000  Indië 13 000  Rusland 9 800  Australië 8 154  Maleisië 5 500  Tadjikistan 4 000
Taal:	Pasjtoe (moedertaal) Oerdoe, Persies en Engels as tweede tale
Geloofsoortuiging:	Hoofsaaklik Soennitiese Islam Minderheid Sjiïtiese Islam
Verwante etniese groepe:	Ander Irannese volke soos Beloetsje, Hasara, Jesiede, Koerde, Ossetiërs, Perse en Tadjiks

Wêreldwyd leef sowat 50 miljoen Pasjtoene, waarvan sowat 31 miljoen in Afghanistan (42% van die bevolking) en omtrent 14 miljoen in Pakistan (15%). Hulle is veral aanhangers van die Soennitiese Islam en leef in die sentrale grensgebied tussen albei lande. Die stede Kandahar, Pesjawar en Quetta word as belangrikste kulturele sentrums van die Pasjtoene beskou. Die Pasjtoene beskik oor hul eie etiese kodeks, die "Pasjtoenwali", 'n tradisionele etiekreeks wat die individuele en gemeenskaplike optrede begelei.

Die stamgebied van die Pasjtoene, Pakhtunkhwa of Pasjtoenistan, word sedert 1893 deur die Durandlyn van mekaar geskei. Hierdie grenslyn is tussen die destydse Brits-Indië en die Emiraat van Afghanistan vasgelê en vorm nou die grens tussen beide Afghanistan en Pakistan. Pasjtoenistan grens in die ooste aan Pandjab, in die weste en noorde aan Persies- en Turkstalige gebiede, in die noordooste aan Kasjmir en in die suide aan Beloetsjistan.

• Wiki Afrikaans  Wiki Commons het meer media in die kategorie Pasjtoene.
• (en) "Pashtun". Encyclopædia Britannica. Besoek op 23 Februarie 2020.