Kepler-22B: Eksoplaneet

Dit is sowat 600 ligjare van die Aarde af in die sterrebeeld Swaan. Dit is in 2011 deur Nasa se Kepler-ruimteteleskoop ontdek en was die eerste bekende eksoplaneet wat voor sy ster verbybeweeg wat in die bewoonbare sone van ’n Sonagtige ster ontdek is. Kepler-22b se radius is sowat 2,4 keer dié van die Aarde. Sy massa en samestelling is onbekend.

Kepler-22b
Eksoplaneet
’n Kunstenaarsvoorstelling van Kepler-22b.
Soort planeet	Superaarde
Moederster	Kepler-22
Ster se eienskappe
Sterrebeeld	Swaan
Regte klimming	19h 16m 52.2s
Deklinasie	+47° 53′ 4.0″
Skynmagnitude (m)	11,5
Afstand (ligjaar)	620
Metaalinhoud	–0,29 ± 0,06
Spektraaltipe	G5
Planeet
Massa	<52,8 M⊕
Radius	2,396 R⊕
Temperatuur	5 518 K
Wentelperiode	289,862 dae
Ontdekking
Datum	12 Mei 2009
Ontdekkers	Kepler-span
Metode	Oorgang
Status	Gepubliseer
Portaal    Sterrekunde

Die planeet se eerste oorgang voor sy moederster is op 12 Mei 2009 gedoen, op die derde dag dat die Kepler-ruimteteleskoop in werking was. Die derde oorgang is op 15 Desember 2010 waargeneem. Die bevestiging van die planeet se bestaan is op 5 Desember 2011 aangekondig.

Die enigste parameters van die planeet wat tans bekend is, is sy wentelperiode, wat 290 dae is, en sy wentel-inklinasie van sowat 90°. Omdat baie eksoplanete hoogs elliptiese wentelbane het, is dit moontlik dat die planeet net tydens ’n klein deel van sy wentelbaan in die bewoonbare sone is – dan kan die temperatuurverskille dalk te groot wees vir die instandhouding van lewe.

Nog metodes van planeetopsporing, soos radiale snelheid, sal eers gebruik moet word om nog inligting in te samel voordat meer oor die planeet bekend sal wees.

 

Die gemiddelde afstand van Kepler-22b van sy moederster af is sowat 15% nader as die afstand tussen die Aarde en die Son, maar die ster se ligsterkte is sowat 25% minder as die Son s'n. Hierdie kombinasie van ’n korter gemiddelde afstand en kleiner sterligsterkte dui op ’n matige oppervlaktemperatuur, indien daar nie ’n groot kweekhuiseffek op die planeet is nie.

Klimaat

Wetenskaplikes raam die moontlike oppervlaktoestande soos volg:

• In die afwesigheid van ’n atmosfeer sal die planeet se ewewigstemperatuur (as sy albedo met die Aarde s’n ooreenstem) sowat 262 K (-11 °C) wees, in vergelyking met die Aarde se 255 K (-18 °C).
• As die planeet ’n soortgelyke kweekhuiseffek as die Aarde het, sal dit ’n gemiddelde oppervlaktemperatuur van 295 K (22 °C) hê.
• As die kweekhuiseffek met Venus s’n ooreenstem, sal die gemiddelde oppervlaktemperatuur sowat 733 K (460 °C) wees.

• Bewoonbare sone
• Superaarde

19^h 16^m 52.2^s, +47° 53′ 4.2″

• Wiki Afrikaans  Wiki Commons het meer media in die kategorie Kepler-22b.