Die baarmoeder is ’n vroulike sekondêre seksorgaan wat belangrik in die voortplanting van die mens en die meeste ander soogdiere is.
Die onderkant van die menslike baarmoeder, die serviks, loop uit in die vagina, terwyl die bokant met die Fallopiusbuise verbind is. Dit is binne die baarmoeder dat die embrio ná bevrugting tot ’n fetus ontwikkel.
Baarmoeder | ||
Inligting en eksterne bronne | ||
Verskillende strukture wat om die menslike baarmoeder geleë is of daarmee verband hou. | ||
Inligting | ||
Latyn | uterus | |
Grieks | ὑστέρα (hystéra) | |
Stelsel | Voortplantingstelsel | |
Ligging | Bekken | |
Slagaar | Eierstokslagaar Baarmoederslagaar | |
Aar | Baarmoederare | |
Eksterne bronne | ||
MeSH | D014599 | |
FMA | 17558 |
Die baarmoeder verskil in baie ander diere – sommige diere het twee aparte baarmoeders.
Die baarmoeder is in die bekkenstreek geleë, net agter die blaas en voor die sigmoïedkolon. Die menslike baarmoeder is peervormig en sowat 7,6 cm lank, 4,5 cm breed en 3 cm dik. Dit kan anatomies in vier streke verdeel word: die fundus (die boonste, geronde deel), die corpus (liggaam), serviks en servikale kanaal. Ligamente hou die baarmoeder in die bekken in posisie.
This article uses material from the Wikipedia Afrikaans article Baarmoeder, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.