Gereformeerde Kerk Suidkus
Die Gereformeerde kerk Suidkus is ’n gemeente van die Gereformeerde Kerke in Suid-Afrika op Port Shepstone aan die suidkus van KwaZulu-Natal.
Dit sluit ook onder meer Margate, Port Edward, Hibberdene, Ramsgate en Uvongo in, met ander woorde die hele suidkus suid van Scottburgh tot aan die Oos-Kaapse grens.
| Gereformeerde Kerk Suidkus | ||
 | ||
| Vorige naam | Margate (tot omstreeks 1985) | |
| Sluit in | Hibberdene Ifafa Margate tot Port Edward Pennington Port Shepstone Ramsgate Shelly Beach Southport Umtentweni Uvongo | |
| Denominasie | Gereformeerde Kerk | |
| Klassis | KwaZulu-Natal-Suid | |
| Huidige predikant(e) | J.F.K. (Garrie) Schutte | |
| Belydende lidmate | 130 | |
| Dooplidmate | 7 | |
| Adres | H.v. Bazley- en Colleystraat Port Shepstone | |
| Geskiedenis | ||
| Stigtingsdatum | 2 Julie 1972 | |
| Afgestig van | Vryheid | |
| Eerste predikant | P.C. Kruger (1960–'61) | |
Ontstaan
Die gemeente is op 2 Julie 1972 as die Gereformeerde kerk Margate gestig. Aanvanklik is eredienste in Margate se stadsaal gehou, maar 11 jaar later het die kerkraad die ou kerkgebou van die NG kerk op Port Shepstone gekoop nadat dit vir die NG gemeente Port Shepstone te klein geword en ’n nuwe kerkkompleks in 1983 in gebruik geneem is.
Huidige kerk
Op 14 November 1981 (waarskynlik 1983) is die kerkgebou op die hoek van Bazley- en Colleystraat, Port Shepstone, in gebruik geneem en die hoeksteen onthul. Twee jaar later kon die gemeente ook ’n kerksaal bou, wat in Mei 1983 (waarskynlik 1985) in gebruik geneem is. Met die verhuising na Port Shepstone het die gemeente se naam Suidkus geword. Einde 1997 het Suidkus 248 belydende en 58 dooplidmate gehad, maar einde 2014 was dit onderskeidelik 154 en 16.
Predikante
- Van der Walt, dr. Andries Gustaaf Petrus, 1974 (word in dieselfde jaar 'n dosent aan die PU vir CHO)
- Wijnbeek, Dirk Hendrik Petrus, 1975–1977
- De Klerk, Petrus Jacobus, 1979–1982 (emeritus-predikant)
- Meyer, Ernst Walter, 1982–1985 (emeritus-predikant)
- Postma, Dirk Jan van Rooy, 1986–1991 (verlaat die bediening)
- Coetzee, Petrus Albertus, 1992–2003
- Venter, Jan Daniël Philippus, 2003–2008
- Schutte, Hermanus Gerhardus, 2009 – hede
Bronne
- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Venter, ds. A.A. (hoofred.) 1957. Almanak van die Gereformeerde Kerk in Suid-Afrika vir die jaar 1958. Potchefstroom: Administratiewe Buro.
- (af) Venter, ds. A.A. (hoofred.) 1958. Almanak van die Gereformeerde Kerk in Suid-Afrika vir die jaar 1959. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
Verwysings
Eksterne skakels
- (en) Die Gereformeerde kerk Suidkus, hoek van Bazley- en Colleystraat, Port Shepstone, soos te sien op Google Maps. URL besoek op 29 November 2015.
This article uses material from the Wikipedia Afrikaans article Gereformeerde kerk Suidkus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.