Acubens
Acubens (ook bekend as Alpha Cancri of α Cnc) is ’n dubbelster in die sterrebeeld Kreef (Cancer).
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Alpha Cancri
| ||||
 | ||||
| Die ligging van α Cancri (in die rooi sirkel). | ||||
| Sterrebeeld | Kreef | |||
| Bayer-naam | α Cancri | |||
| Spektraaltipe | A5m | |||
| Soort | Dubbelster | |||
| Waarnemingsdata (Epog J2000) | ||||
| Regte klimming | 08h 58m 29.2217s | |||
| Deklinasie | +11° 51′ 27.723″ | |||
| Skynmagnitude (m) | 4,2 tot 4,27 | |||
| Absolute magnitude (M) | 0,6 | |||
| B-V-kleurindeks | +0,14 | |||
| U-B-kleurindeks | +0,15 | |||
| Besonderhede | ||||
| Massa (M☉) | 2 | |||
| Radius (R☉) | 0,998 | |||
| Ligsterkte (L☉) | 23 | |||
| Ander name | ||||
| Acubens, Sertan, Sartan, α Cnc, Alpha Cancri, Alpha Cnc, 65 Cancri, 65 Cnc, ADS 7115 A, BD+12 1948, CCDM J08585+1151A, FK5 337, GC 12406, HD 76756, HIP 44066, HR 3572, IDS 08530+1215 A, PPM 125972, SAO 98267. | ||||
| ||||
Name
Die ster as Bayer-naam is "Alpha Cancri" en sy Flamsteed-naam "65 Cancri". Die tradisionele naam, "Acubens", kom van die Arabiese الزبانى al zubanāh, "die kloue".
In 2016 het die Internasionale Astronomiese Unie se sternaamwerkgroep (WGSN) die naam "Acubens" vir die ster goedgekeur.
Eienskappe
Acubens het ’n skynbare magnitude van 4,2 en is dus met die blote oog sigbaar. Met sy sterreklassifikasie van A5m is sy ligsterkte 23 keer dié van die Son. Die ster is sowat 174 ligjare van die Son af.
Aangesien dit naby die Sonnebaan lê, kan dit deur die Maan verduister word en soms ook deur planete.
Die primêre komponent, α Cancri A, is ’n wit A-tipe hoofreeksster met ’n skynbare magnitude van 4,26. Sy metgesel, α Cancri B, is ’n ster van die 11de magnitude.
Deur sy ligkurwe tydens verduisterings te bestudeer, word geglo α Cancri A is self ’n dubbelster van twee sterre met dieselfde helderheid en ’n skeiding van 0,1 boogsekondes.
Verwysings
Eksterne skakels
- Jim Kaler's Stars, Universiteit van Illinois:Acubens
- Acubens op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Hierdie artikel is vertaal uit die Engelse Wiki
This article uses material from the Wikipedia Afrikaans article Acubens, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.