Queen: Britse musiekgroep
Queen is 'n Engelse rock-groep wat in 1970 in Londen gestig is deur die kitaarspeler Brian May, sanger Freddie Mercury en tromspeler Roger Taylor.
Die groep is in 1971 met John Deacon op baskitaar aangevul. Met tientalle treffers in die jare 1970, '80, '90 en die 2000's is Queen een van die suksesvolste popgroepe in die geskiedenis. Die groep is bekend vir hul musikale veelsydigheid, geslaagde verwerkings en harmonieë en kragtige optredes. Hul optrede tydens Live Aid in 1985 is twintig jaar later in 'n peiling as die beste regstreekse optrede ooit aangewys.
Queen | |
|---|---|
 Queen tydens 'n optrede in Frankfurt in 1984. | |
| Agtergrondinligting | |
| Oorsprong | Londen (Verenigde Koninkryk) |
| Genres | Rock |
| Jare aktief | 1970 – hede |
| Etikette | Parlophone Hollywood Records |
| Webwerf | http://queenonline.com/ |
| Lede | Brian May Roger Taylor |
| Gewese lede | John Deacon (afgetree) Freddie Mercury (oorlede) |
Queen se groot deurbraak was in 1974 met hul treffer Killer Queen en die album A Night at the Opera 'n jaar later. Die groep het altesaam vyftien ateljee-albums, sewe regstreekse albums, twee kortspelers, tien DVD's, verskeie versamelalbums en tientalle enkelspelers uitgereik. Daarnaas het al die groeplede ook hul eie soloprojekte onderneem. Na raming het die groep wêreldwyd meer as 300 miljoen albums verkoop.
Ná Mercury se dood in 1991 het Deacon hom uit die openbare lewe onttrek. May en Taylor werk steeds saam, en sedert 2005 saam met Paul Rodgers onder die naam Queen + Paul Rodgers.
In 2018 word die rolprent Bohemian Rhapsody uitgereik wat met vier Oscars vereer is in 2019 tydens die 91ste Oscar-toekenningsaand.
Diskografie
- Queen (1973)
- Queen II (1974)
- Sheer Heart Attack(1974)
- A Night at the Opera (1975)
- A Day at the Races (1976)
- News of the World (1977)
- Jazz (1978)
- The Game (1980)
- Flash Gordon (1980)
- Hot Space (1982)
- The Works (1984)
- A Kind of Magic (1986)
- The Miracle (1989)
- Innuendo (1991)
- Made in Heaven (1995)
Bronne
- Die teks is hoofsaaklik 'n vertaling uit hierdie Wikipedia-artikel (nl) .
Verwysings
Eksterne skakels
| Wiki Commons bevat media in verband met Queen. |
This article uses material from the Wikipedia Afrikaans article Queen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.