Queen es un anglese gruppo de rock e pop, formate in London in 1970.
In su annos de esser stellas international, le gruppo consisteva de Freddie Mercury (vocales, piano), Brian May (guitarra, vocales), John Deacon (guitarra basso), e Roger Taylor (batteria, vocales). Su prime discos era influentiate per rock progressive, hard rock e metal, ma le banda se moveva verso un sono plus commercial de arena rock e pop rock, con influentias de multe generes altere.
Queen |
---|
instantia de: banda rock[*] |
data de creation: 1970 |
sito web official: https://queenonline.com |
Commons: Queen (musical group) |
May e Taylor habeva sonate previemente in le banda Smile. Post le dissolution de Smile, illes se univa con Mercury in 1970. Mercury introduceva le nomine Queen e incoragiava le banda a experimentar con plus de sonos e technicas del disco. Deacon se univa con illes le anno subsequente. Lor prime album Queen era publicate in 1973. Lor popularitate augmentava per le albumes Queen II (1974) e Sheer Heart Attack (1974), ante le successo mundial del album A Night at the Opera (1975). Su single Bohemian Rhapsody era prime del liste de successos in le Regno Unite durante novem septimanas e adjuta le popularisation del videos musical. Le banda etiam deveniva famose e popular pro lor concertos energetic.
Le album News of the World (1977) includeva le cantos We Will Rock You e We Are the Champions, que deveniva popular al eventos de sport. Lor single plus succedite era Another One Bites the Dust. Lor album de compilation Greatest Hits es le album plus succedite commercialmente in le Regno Unite, e era etiam succedite in le Statos Unite. Lor concerto a Live Aid in 1985 es un del concertos plus acclamate de rock. Lor ultime concerto con Mercury era in 1986. Mercury deveniva malade con SIDA e moriva in 1991. Lor ultime album era publicate in 1995 e Deacon se retirava duo annos plus tarde. May e Taylor ha facite toures de concertos sub le nomine "Queen + [Vocalista]" con vocalistas Paul Rodgers e Adam Lambert.
Il es estimate que Queen ha vendite inter 170 e 300 milliones discos. Illes era inducite in le Rock and Roll Hall of Fame in 2001 e ha recipite multe honores altere del industria musical.
This article uses material from the Wikipedia Interlingua article Queen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.