SistematikVikierikoiš
Leopard | ||||||||||||||
---|---|---|---|---|---|---|---|---|---|---|---|---|---|---|
Tedoklassifikacii | ||||||||||||||
| ||||||||||||||
Latinankel'ne nimi | ||||||||||||||
Panthera pardus (Linnaeus, 1758) | ||||||||||||||
Areal | ||||||||||||||
|
Leopard (latin.: Panthera pardus) om Kažinvuiččed-sugukundan lihansöi imetaiživat.
«Leopard»-sana tuli vepsän kel'he venän kelespäi, sihe putui 18. voz'sadal Päivlaskmaižen Evropan kelišpäi: franc.: léopard, saks.: Leopard. Sündui niiš möhälatinan sanoiden leopardus-ühtištusespäi: leo «lev» i pardus «bars».
Erik erigoiči toižiš panteroišpäi läz 3,8 mln vozid tagaz Azijan territorijal, sid' migrirui i eläškanzi Afrikas. Nügüd'aigaine leopardan form libui Afrikas 470..825 tuhad vozid tagaz i leviganzi Azijadme 170..300 tuhad vozid tagaz. Kadoi Evropas 10 tuhad vozid tagaz.
Erik jagase kahesaks..ühesaks alaerikoks levigandusen regionan mödhe. Eričuiden lugumär poleneb äjiš tahondoiš. Leopardan mectuz om kel'tud Azijan kaikiš maiš, oleleb kvotid Afrikan maiš.
Suruded varjiruidas lujas alaerikho kacten. Hibjan piduz händata om 90..190 sm (160 sm keskmäras), händ om 60..110 sm pitte. Emäčun mass oleleb 32..65 kg, ižačun 60..75 kg. Ižačuiden korktuz sägus om 50..78 sm, henombiden emäčuiden oleleb 45 sm vaiše.
Živat eläb 10..11 vodhesai londuses, voib eläda 21 vot stajas. Oleskeleb täuz'kaznu elon koumandel vodel.
Leopard Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Leopard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.