豹

豹嘅棲息環境多種多樣，從海拔100米嘅低地到海拔3000米嘅高山都有。適應力幾強，生境包括森林、草原、濕地沼澤、雪地等。

 

豹可以話係完美嘅「獵人」，矯健身材，靈活，奔跑時速可達120公里，又識游水，又識爬樹，性情機敏，聞嘢聽嘢睇嘢都好好，智力高、醒目，匿埋（隱藏）能力高，呢啲都係老虎獅子做唔到嘅，佢亦係少數可適應唔同生境嘅貓科動物。

豹係機會主義者，佢嘅獵物主要有鹿、羚羊同野豬，但亦會捉靈貓、馬騮、雀、齧齒動物、昆蟲嚟食，有時食埋腐肉，要視乎獵物產地而定。喺唔夠獵物嗰陣，佢亦會捕獵家畜（甚至狗肉），因而發生人豹之間嘅衝突。同一般貓科動物一樣，豹會喺密林嘅掩護下，靜靜接近獵物，然後嚟一個突襲，攻擊獵物條頸或口鼻，令佢窒息。根據《奇妙的動物世界》一書記載，豹捉到鹿後，會先將佢拖入灌木叢再食，主要先食肝臟同心臟，然後再食鹿肉。豹亦會將吃剩部分拖上樹度收埋，以免俾其他食腐動物搶走。

非洲品種通常將獵物拖上樹開餐，以防獅子或鬣狗等食肉動物來搶。喺食物鏈上，豹處於「次等捕獵者」嘅位置，這亦都意味著豹同時係老虎同獅子嘅獵物。

同其他豹屬一樣，豹嘅交配行為都帶有攻擊性，雄豹生殖器官上有倒剌，雖然可刺激雌豹排卵，但亦可能整痛雌豹。就算係咁，響為期一週嘅發情期內，佢哋會不停咁進行交配，之後先至分開。

3至4月份交配，6至7月份生仔，每胎3至4隻。7歲喥性成熟。

豹係貓科動物中第四大嘅，僅次於老虎、獅子同美洲豹，但豹嘅分布範圍比其他貓科大，主要響亞洲、非洲等地，由西非到蘇門答臘，華北至華南也有豹嘅蹤影。史前時期響歐洲都有豹嘅蹤跡。

以前香港亦都有豹出現，係喺1931年嘅事。根據艾思滔所著嘅《山水有情：探遊香港郊野》一書記載，1931年12月20號，當時有隻豹踩倒獵人原本用嚟捉其他獵物嘅捕獸器，最後俾人開槍打死，豹肉豹皮豹骨亦都俾村民分嚟賣。

聽講豹分成30個亞種，只不過到而家都重有人拗緊。

• 亞洲豹（又叫金錢豹）
• 華北豹
• 東北豹（又叫黑龍江豹，係最大隻嘅豹，亦係最罕有嘅亞種）
• 華南豹（香港喺1931年曾經有豹出現過，相信都係呢個亞種）
• 遠東豹
• 非洲豹（又叫做花豹）
• 中非豹
• 南非豹
• 剛果豹
• 山地豹
• 北非豹
• 印度豹

係豹嘅黑色變種，喺太陽光照射底下，可以見到黑色毛下有斑紋。主要原產非洲同東南亞。香港以前嘅荔園動物園都養過黑豹。

 

估計全世界大概只剩番 2000 萬隻，但而家冇確實數據。

1. 因毛皮顏色鮮艷而俾人大量捕殺；
2. 因會襲擊人同家畜而被冠以「害獸」嘅罪名而俾人大量捕殺。

而家豹已被列為中國一級受保護野生動物，唔可以捕殺。

•  
  獵豹
•  
  美洲豹
•  
  黑豹

• 《中國珍稀動物》ISBN 962-258-056-4
• 《奇妙的動物世界》
• 《國家地理雜誌》（2006年2月號）
• 《山水有情：探遊香港郊野》ISBN 962-85274-4-4

• 豹屬
• 貓科
• 哺乳動物